صباح الخير يا بنات ربنا يقوم كل الحوامل بتوع قسمنا بالسلامه يارب ويرزق كل مشتاقه امــــــــــين
بصوا بقي بالنسبه للبنج ناس كتير بتعمل مواضيع بتبقي عايزه تعرف تجارب البنات في البنج عشان يقرروا
انا الدكتور حددلي ولاده قيصري اول يوم العاشر المهم انا طبعا كنت موهومه زي معظم البنات ان البنج النصفي خطر جدا وكده ف سألت الدكتور بتاعي قولتله هاخد بنج ايه ؟؟
قالي اللي يريحك قولتله عايزه اعرف كل حاجه عن الاتنين
قالي بصي هو دلوقتي اللي متبع في العالم كله البنج النصفي هو افضل كتيير لكذا سبب
اولا البنج الكلي بيخلي البيبي نايم شويه لان طبعا بيوضله فبالتالي بياخد وقت شويه لحد ما يعيط
قالي علي عكس البنج النصفي البيبي بيبقي فايق زي الطبيعي بالظبط
تاني حاجه قالي مش هتحسي بالجرح الا بعد 4-5 ساعات من العمليه علي عكس البنج الكلي اول ماتفوقي من الجرح هتحسي بالجرح وبيبقي الم فظيع
تالت حاجه مش هيحصلك الشرقه بتاعت البنج الكلي الشرقه دي بتبقي متعبه جداا وبتتعب عشان الكحه والجرح يعني هيبقي من كله
قالي بس لو انتي قلبك ضعيف ومش هتقدري تبقي صاحيه يبقي الكلي افضل
انا طبعا كنت خايفه برضه لاني اسمع ان البنج النصفي لو متاخدش صح شلل علي طول
المهم استخرت ربنا وقولت انا هسيبها علي ربنا لو مكتوبلي شلل هتشل ههههههههه
روحت المستشفي ميتهفي جلدي ودكتور التخدير ربنا يباركله ياررررررب كان عسل
قالي بصي يا ستي هديكي ابره في ربع ضهرك في في العمود الفقري دي هتخد ضهرك عشان اديكي الحقنه بتاعت العمود الفقري
قالي مش هتحسي بالحقنه دي رفيعه اوووي وفعلا يابنات والله العظيم لقيته بيقولي فجأه حسيتي بحاجه ؟ قولتله ايه ده خلصت قالي اه
وبعدين محستش بضهري واديني الحقنه بتاعت العمود الفقري بس وحاطولي ستاره كده عشان مشوفش العمليه وطلعت بنوتي ربنا يحميها يارب وشوفتها اول ما طلعت وبجد كانت هموت من الفرحه
بس وبعدين خرجوني من اوضه العمليات وطلعت اوضتي قعدت فتره كده عايزه انام مش قادره اقاوم بس طبعا جالي زوار كتير فمعرفتش
ولدت الساعه 8 بليل الساعه 12 ونص كده بدئت احس بالجرح شويه وطبعا الالم بدء يزيد
والمسكن كان يدوب بيعمل مفعول شويه ويخلص
وبعدين قالولي لازم تمشي الساعه 2 كده اتمشيت والصراحه المشي ريحني كتير النوم كان بيخليني حاسه بالجرح لكن المشي كان بيخفف الوجع شويه
علي 7 الصبح كده الوجع بدء يقل وخرجت من المستشفي الساعه 12 الضهر مقدرتش استني لبليل عشان مبحبش المستشفيات
بس يا بنات وبعد 5 اسبوع بالظبط فكيت السلك الحمدلله
ااااااه جالي يومين كده بعد الولاده وجع في رقبتي فظييع لما سألت الدكتور قالي البنج النصفي بيعمل كده
بس يومين بالكتير وهيروح بس يا بنات وفعلا راح ولا بقي صداع نصفي زي مابيقولوا ولا وجع في الضهر مستمر ولا الكلام ده
يارب اكون عرفت افيدكم ويارب كلكم تقوموا بالف سلامه
didi dodo didi dodo 336728_16.gif فتكات غالية قوي Fatakat 336728 جده – السعودية
سبحان الله و بحمده