بنات أنا قلقانة اوى ومخنوقة وقلت محدش غيركم يفيدنى
أنا حامل فى السابع الحمد لله
والهيموجلوبين عندى مش مظبوط خااالص واخدت 10 حقن فى محاليل وعليت حاجة بسيطة
آخر تحليل 9.8
أنا من بعد التالت ماشية على فيروجلوبين عشان الحديد وكنت باخده حتى مع المحاليل
الدكتور بقه بقول له إنى بدوخ وحاسة بضعف عام فكتب لى حاجة جديدة أنا افتكرت إنه حديد وعشان يزود الهيموجلوبين لكن لما جبته اكتشفت انه حاجة كده شبه بتاع الأطفال زى لبن أو مشروب بيتدوب فى المياه اسمه إنشور
قريت مكوناته لقيت كله فيتامينات ونسبة الحديد فيه قليلة اوى
فحسيت الصراحة إن ملوش لزمة
وقفلت منه لما عملت بحث ع النت عنه وعرفت إنه أصلا بيتاخد بغرض زيادة الوزن
وانا وزنى زايد أصلا عشان الحمل ومش شايفة ان فيه داع أزوده تانى
بصراحة أنا مش مقتنعة بيه وبفكر أرجعه …عايزة أعرف حد خد إنشور دا فى الحمل قبل كده ؟ طب ودكتورك كان كاتبه لك ليه؟ ولا أرجعه؟
حاجة تانى …فيروجلوبين دا حلو ؟ أنا بفكر أغيره مع نفسى واخد برشام حديد فتوكة هنا كانت بتشكر فيه اسمه فروسانول بس بخاف أغير عن اللى قاله الدكتور ….ياريت برضه اللى تعرف معلومة تفيدنى؟
سؤال تالت معلش أنا اكتشفت دلوقتى وانا فى السابع ان الحوامل بياخدوا اوميجا 3 وانا ولا أخدتها خاااااالص …فهل دا فيه خطورة؟ وهل اخدها دلوقتى مع نفسى ولا ايه؟؟؟؟
ياريت يا بنات اللى مرت بكل دا تفيدنى فى حملها عملت ايه عشان انا خلاااااااص زهقت وخايفة اوى من نقص الهيموجلوبين دا فى الولادة
طولت عليكم معلش
sweet tota sweet tota images/flowersavatars/avatar0021.jpg فتكات هايلة Fatakat 384563 الإسكندرية – مصر