ازيكوا يا فتوكاتى يا حبايبى وحشتونى جدا … طبعا كالعاده مونى بتتحفكوا باحلى انظمه غذائيه ونقول فيها باى باى ى ى للحرمان وهانخس كمان مش كده ولا ايه ؟؟؟؟ انا من الناس اللى تابعوا مع دكتور محمد النجار والحمد لله خسيت معا كويس خدت شهرين ونص عشان انزل 17 كيلو والحمد لله مرجعتش تانى بقالى 4شهور اهه زى منا ثابته على وزنى 69 كيلو … وهو ده التحدى انك تنزلى ومترجعيش تانى فى الزياده متهيألى كلكوا مقيدنى؟؟؟ يلا بقى عشان تستفيدوا من تجاربى …النظام اللى انا هاقولكوا عليه ده انا نزلت عليه 3 كيلو فى عشر ايام وكمان 4سم .قبل مانبتدى نقول شروط النظام الغذائى :شرب 3 لتر ماء يوميا . المشى لمدة نص ساعه واذا مقدرتيش تخرجى يبقى ياما ترقصى او تمشى جوه الشقه نص ساعه. ممنوع الاكل نهائيا بعد الساعه 9 وده لان الجهاز الهضمى مابيشتغلش بعد 9 وكل الاكل اللى بيتاكل بعد كده بيتخزن فى صورة دهون. ممنوع اكل مسليات او مخللات او شرب مياه غازيه بجميع انواعها او الشيبسى . طبعا لو معملناش الشروط دى مش هاتخسى لان النظام فيه اكل كتير وحلو يعنى لازم تعملى الشروط بالظبط وانتى هاتلاقى نتيجه حلوه جدا خاصة انك مش هاتحسى انك عامله دايت خالص لان كل اللى نفسك فيه بتقدرى تاكليه من غير ما حد يقولك ممنوع او يطلعلك ضميرك كده زى العفريت ويقولك هاااااااااااا اوعى تاكلى من ده لحسن بعدين الرجيم يبوظ وتضطرى تبتدى من اول وجديد؟؟؟ وطبعا فى ناس تستجيب لضميرها وناس تقولك بلا وجع دماغ يعنى الفتفوته اللى هادوقها دى هاتبوظ الرجيم ؟؟ صح ؟؟ مش ده اللى بيحصل ؟؟؟
ندخل بقى فى النظام الغذائى بتاعنا :
الفطار : نسكافيه بحليب او كابتشينو + طبق زبادى بجنين القمح ( بيخلى جهاز المناعه بتاعك فى السما يعنى مناعتك تبقى تمام التمام ) +2 ثمرة فاكهه اى نوع .
بين الفطار والغدا : ايس كريم حليب + سلطة فواكه اوعصير فريش
الغدا : 5( معالق رز + سلطه خضرا + بروتين + سلطانية شوربه )او 5( اصابع محشى اى نوع )لو وجد او( نص رغيف بلدى + سمكه مشويه).
بين الغدا والعشا شوربة خضار او شوربة لسان عصفور). ويمكن الاستغناء عن الوجبه دى نهائى لو مش جعانه.
قبل العشا بساعه : جيلى او كريم كراميل .
العشا : زبادى بالفاكهه او سلطانية بليله او كورن فليكس .
طبعا مش هاوصيكوا على التقييم لعل الموضوع يتثبت والكل يستفيد من تجاربى بالخير ان شاء الله على الجميع وشعارنا (هاخس بس من غير حرمان ولا تعذيب )ارجو اللى تجربه تقولنا على النتيجه بعد 10 ايام من ابتدائها للنظام وانا هاتابعكوا واى سؤال هارد عليه…
اتفقنا
يلا ورونى ردودكوا بقى
cute monni cute monni فتكات نشيطة Fatakat 464038 cairo – egypt