السلام عليكم ورحمة الله وبركاته
يا جماعة انا هقول تجربة شخصية حصلتلى ونصيحة منى ليكم لانى استفدت كتيير منكم
صحيح فيه ناس كتيير بتفتى وبتقول كلام مستفز وتعملنا فيها دكتورة عشان قرأت ليها وصفة ولا خست ليها اتنين كيلو ونشوف الفتاوى بقى عن طرق التخسيس الرهيبة اللى كلها عك فى عك
ناس تقولك طول اليوم برتقان وناس تانية تفضل شهر عايشة على التمر واللبن وناس طول اليوم تبربع فى اعشاب لما فتحت فى بطنها محل عطارة من كتر اللى بتشربه وييجوا هنا بقى يتحفونا بالتجارب النيرة
وانا زييه زى اى بنوتة متعلقة بحلم الرشاقة كنت بجرب اى حاجة لبان دكر اشرب برتقان طول اليوم وماله زيوت لبلطن ميضرش لما بقيت حقل تجارب
واسوء تجربة بقى عملتها فى حياتى كلها وبضرب نفسي ميت جزمة عليها هى الرجيم الكميائي بس للحق دى ماكنتش وصفة فتوكة دى كانت وصفة فتوك قصدي دكتور الله يسامحه على ام البهدلة اللى بهدلهالى كنت افضل اسبوع كامل ياناس على زبادي وخيار طب ده كلام يُعقل يعنى ؟!!
بس انا مكنش عندى حل تانى ومكنتش فاهماه حاجة فضلت على الرجيم الزفت ده لحد ما خسيت تاع خمسة وعشرين كيلو وكنت خلاص قرفت وكرهت الدنيا كلها وشعري وقع وعيونى دخلت لجوه ومعدتش عندى طاقة بقيت زى البروطة مبقومش من مكانى ولا بعرف امشي اساسا همشي ازاى والدكتور المتخلف ده صفى العضل كله اللى كان بيشغل جمسي
اللى فهمته بعدين طبعا بعد ما زدت الخمسة وعشرين كيلو تانى فى كام شهر انى دمرت عضلاتى الغلبانة اللى كانت اساس النشاط والحركة
ولما خسيت كان اغلب اللى خسيته على الميزان طبعا وزن العضل مش الدهون
عشان كده كنت علطول ضعيفة
دلوقتى انا خسيت 15 كيلو الحمد لله بس خستهم صح وبلعب تمارين فى الجيم عشان اقوى عضلاتى شوية اللى ادمرت
اقسم لكم بالله يا بنات انا ما بكذب عليكم ومش بقول الكلام ده الا عن تجربة واى حاجة غلط فى كلامى ياريت توضحوهالى وانا زى ما قلت انا مش مختصة بس اللى بيدربنى هو اللى عرفنى ان الرجيمات دى بتخسس اكتلة العضلية والعضلات دى كل ما كانت اقوى كل ما تحرق دهون وهى اللى بتدى للجسم النشاط
متضيعوش نفسكم عشان تخسوا على الميزان وكلام الناس ملوش لازمة خسي براحتك حتى لو كل شهر خمسة كيلو مش هنطير يعنى
احسن ما صحتنا تضيع منا ونلف وندور بعد كده عشان نتعالج
متعمليش رجيم الا وانتى فاهماه ودرساه ومتاخديش كلام الا عن دكتور ثقة عندكم الاطباء زى ماجد الزيتون فديوهاتهم مالية اليوتيوب اسمعوها وافهموا الكلام وطبقوا براحتكم وربنا معاكم وادعولى اخس بقى وابقى حلوة زيكم
ملاذكرد ملاذكرد 439598_7.gif فتكات رائعة Fatakat 439598 مصر – مصر
سبحان الله و بحمده