بسم الله الرحمن الرحيم
اللهم صلى وسلم وبارك على سيدنا محمد انا الحمد لله بقالى 66 يوم والده وجيت اقولكم على شويه نصايح مهمه تحطوها حلقهفى ودانكم ولعل كلامى يفيد كم لانى كنت فى امس الحاجه ان حد يفيدنى المهم ياحلوين-1 انك لازم من اول ما تبداى التاسع لازم تدلكى الحلمات بزيت زيتون او زبده كاكاو وتشدى الحلمه لبره علشان الرضاعه وده حتى لو هتولدى لتانى مره او تالت او رابع مش فارقه المهم لازم بس متدلكيهاش كتير علشان بتعمل انقباضات وانبساطات فى الرحم ماشى
2- انك متروحيش المستشفى او للدكتور الا لما تحسى بالالم متزايد ومبيروحش وبدا الوجع يجيلك كل 10 دقايق علشان متتبهدليش ويكشفوا كل شويه عليكى نسا
3- قومتى بالسلامه وربنا كرمك بولاده طبيعيه بس اتخيطتى الله يكرمك اهم حاجه التشطيف الكويس واستخدمى مرهم كازميزان رائع والله بيعمل على ازابه الغرز وسرعه التئام الجرح انا الدكتور مكتبليش عليه ولاقيت فيه غرز فكت ولم تلتئم وغرز لم تفك وكنت بعيط وعملت موضوع هنا وكنت خايفه اروح للدكتور وبعدين اتصلت عليه قالى استخدميه قولتله اله يسامحك طيب مقلتليش من الاول ليه المهم تتشطفى كويس وتنشفى وتحطى المرهم 3 مرات فى اليوم ان شاء الله الغرز هتفك والجرح هيلتئم بسرعه
4-طيب خلاص والحمد لله راح كابوس الولاده والغرز وعاوزه تستعملى وسيله احسن وسيله بالصراحه هى اللولب من حيث المضاعفات طيب عاوزه تركبى وخايفه ومرعوبه نصيحه منى روحى لمراكز تنظيم الاسره رائعه بجد ولا بتحسى بحاجه طيب واحده ركبت ومنفعش معاها فى انواع تانيه من اللولب مش شرط النحاس جربى يمكن جسمك حساس للنحاس بي مش حساس للانواع التانيه
دى ياجماعه خلاصت تجربتى وانا تحت امر اى واحده فيكم عاوزه تسال او تستفسر عن حاجه وربنا يكرم الحوامل كلهم بولاده سهله ويبارك للى ولدوا فى اولادهم
ورجاء ياجماعه تدعولى ربنا يهدى ولادى وجوزى ويكرم اختى بالحمل هذا الشهر وكل مشتاقه يارب
وياريت تقيموا مش علشان خاطرى لا علشان ممكن واحده تستفيد
المتطلعه للجنه المتطلعه للجنه فتكات رائعة Fatakat 454724 الباجور – مصر