**** بعد نجاح الجزء الاول والثانى والثالث بفضل الله
وحصولهم على
لقب موضوع مميز بفضل الله
نبدء على بركة الله الجزء الرابع****
قبل كل شى
احب اتوجه بالشكر
للمشرفة الجميلة
* زهرة المدونة *
على مجهودها معانا فى المدونة وفى قسم الرشاقة
جزاكى الله كل خير عنا
احبك فى الله
اخواتى وحبيباتى الفتوكات
( سمينات ونحيفات و رشيقات)
اسعد الله اوقاتكم
النهاردة حبيبت اعملكم موضوع خاص بالاستفسارات والاستشارات الخاصة بمدونة الرشاقة والتغذية الصحية
اللى هتخلينا باذن الله اجمل رشيقات
انا فكرت اعمل الموضوع ده علشان الفتوكات اللى مش بتحب تشترك فى جروب او اللى مش عندها وقت تتابع فى جروب لفترة طويلة
فكرة الموضوع
********************
كل فتوكة عندها استفسار خاص بالرشاقة او السمنة او النحافة –
هتكتب استفسارها هنا وباذن الله هجبلها افضل اجابة خاصة بسؤالها فى نفس اليوم
وبفضل الله انا عندى شوية خبرة فى الموضوع ده اكتسبتها مع الجروب اللى انا مشتركة فيه
اجمل واحب جروب دخلته فى حياتى اللى فيه استفدت واتعرفت على احلى صحبة فى الدنيا كلها
****جروب تعبتى من جسمك وشكلك تعالى وانضمى ليا****
هنتكلم فى كل حاجة تخلى حياتنا وعادتنا اليومية فى الاكل والرياضة والاهتمام بالجسم عادات صحية
وباذن الله هيكون معانا كمان خبيرات فى التجميل وفى الاكلات الصحية
( خبيرة التجميل شذى ياسمينة – خبيرة الاكلات الصحية ام سوسو وموصه)
اللى تعبوا اوى معايا علشان نخرج الموضوع بالشكل ده
واللى مش هيبخلوا علينا بوقتهم ومجهودهم فى الرد على طلباتكم
جزاكن الله عنا خير الجزاء
وجعله الله فى ميزان حسناتكن
يعــــنى
لو فتوكة حابه تعرف مثلا طريقة عمل طبق من الاطباق الصحية تسأل
لو فتوكة عايزة تعرف طريقة وصفة لحرق الدهون تسأل
لو فتوكة عايزة تعرف ايه هى العادات الصحية فى الاكل تسال
لوفتوكة عايزة تعرف وصفة لشد الجسم او لتجميل الجسم تسأل
لو فتوكة عندها مشكلة فى نظامها الغذائى وحاسة انها مش بتلخبط ومع ذلك وزنها ثابت تسأل
لو فتوكة عايزة نظام صحى للاكل تسأل
لو فتوكة عايزة تتابع معانا يوميا طريقة تناولها للوجبات تسال
لو فتوكة نحيفة وعايزة تعرف ازاى تبقى رشيقة ووزنها يزيد بدوم ما تتحول لسمينة تسأل
بعد الدايت بتظهر عيوب نتيجه اهمالك فى جسمك زى الاسمرار بين الفخذين والابط تعالى واسالى وهنا الحل بامر الله وكله طبيعى جداااااااا
ونتيجه الريجيم الغلط بتظهر فروق بشعة فى الجسم زى اسمرار عقل الاصابع نتيجه لنقص بعض الفيتامينات الهامه فى جسمك
كرمشه حصلت وعايزة تتشد معانا هنا اسألى
*****
تمارين معينه لبعض المناطق فى الجسم
محتارة فى جدول طعامك البروتينات والنشويات والفواكه وكله ملخبط
تعالى معانا
شعرك بيقع لانك عملتى دايت غلط
ضوافرك بتتكسر لانك انهيتى على بريق جسمك بايدك ومنعتى الفوايد عشان تخسى تعالى واسألى
يعنى يا حبيباتى لو عندك اى سؤال له علاقة بشكلك وجسمك وتغذيتك الصحية تعالى نورينااااااااااا
شعارنا
(((( احنــــا بتـــــوع بعضينــــــا)))))
من طرف اختكم اللى بتموتوا فيها
"ام زيدو اللى بتكهرب"
om zido om zido 562273_5.gif برنسيسة فتكات Fatakat 562273 ارض الله – مصر