صباح الخير يا فتوكات النهارده حبت اجيب ليكم معلومات مفيده عن الحروق و الجروح في المطبخ
اولا الحروق
كتيرا لما بنقف في المطبخ بنتعرض للحرق عن طريق ملامسه ايدينا لسطح ساخن او وقع سائل ساخن علي ايدينا
هنعمل ايه ساعتها؟؟؟؟؟؟؟؟
اولا تعريف الحرق
الحرق هو الإصابة الحرارية للأنسجة(جسمنا) مما يؤدي إلى تخثر أو تنخر تلك الأنسجة
عن طريق
1-الحرارة الجافة مثل التعرض المباشر للنار أو للغازات الحارة
2-الحرارة الرطبة كالتعرض لبعض السوائل الحارة
طب ايه الاسعافات الاوليه
لازم يكون في البيت حاجات مهمه جدا و تكون في التلاجه موجوده
1-محلول ملح من الصيدليه
2-مرهم للحروق زي ديرمازين كريم
3- شاش معقم و شاش فازلين وبلاستر
و نعمل ايه
1 – يصب ماء بارد مستمر على مكان الإصابة .و
2 – ترش مادة مطهرة زي بيتادين على الإصابة و يوضع كريم الحرق .
3 – تغطى الإصابة بشاش فازلين ثم معقم .
ملوحظه مهمه جدا اياكي و اياكي
أستخدام أي دهون أو معجون الأسنان أو الأدوية المنزلية أخرى ويحذر أيضا عدم فتح الفقاعات إلا إذا كانت كثيرة وبطريقة علمية
ولو لا قدر الله مساحه الحرق كبيره لازم نتوجه للمستشفي فورا
او لو كان الحرق في منطقه البطن يجب الذهاب الي طبيب
ثانيا الجروح
كلنا بنجرح كتيرا بسبب السكاكين الحاده
طب نعمل ايه
اول حاجه
وضع الجرح لو كان في الاصابع اواليدين تحت الماء مباشره لازاله اي تلوث عالق به
*عدم غسله نهائيا باالصابون
ثم يتم و ضع شاش او فوطه نظيفه ولفها حول الجرح لمده 10 دقائق و مش اقل
و اوعي تشيلي الفوطه علشان تشوفي النزف وقف ولا ايه انتظري 10 دقائق مش اقل و اثناء ذلك بيرفع المكان المصاب فوق مستوي القلب
لو لا قدر الله الجرح غائر و النزيف مستمر و تم اشباع الفوطه بالدم لا تنزع الفوطه و لكن تضاف اخري و يتم الذهاب فورا للمستشفي فورا
لو تم وقف النزيف بيتم وضع مضاد حيوي كريم او سبراي ثم يتم وضع الشاش و البلاستر الطبي المناسب للجرح
لازم يكون كلنا عندنا علبه للاسعافات الاوليه موجود في مكان جاف وبارد
فيها الاتي
1- مرهم مضاد حيوي او سبراي مضاد حيوي
2- مرهم حروق
3- محلول ملح في حاله الحرق
4- شاش معقم و شاش فازلين
5- بلاستر
6- مطهر جروح
و لازم نتاكد من تورايخ الصلاحيه كل فتره
و ربنا يعفينا جميعا و يحفظنا و اهلنا من كل سوء
fame30 fame30 405745_2.gif سوبر فتكات Fatakat 405745 egypt – egypt
سبحان الله و بحمده