السلام عليكم ازيكم يا احلى فتوكات
انا عايزه اعرف حد فيكم حصله زى اللى حصل معايا
انا فطمت ابنى من سنه و8شهور واخدت البرشام اللى بينشف الصدر النوعين الرخيص والغالى ومنشفش وبعدها ب 8 شهور كشفت واخدته تانى النوعين بردو بس منشفش اللبن بس كنت بعمل التحليل ونسبة الهرمون تطلع عادى ف الدكتور قالى خلاص مقدرش اديلك دوا تانى علشان هيلخبطلك الهرمونات خصوصا انى كان عندى نشاط ف الدرقيه بعد الولاده واتعالجت والتحاليل كل فتره بعملها وبتكون تمام الحمد لله
المهم انا شيلت اللولب الشهر اللى فات والبيريود اتاخرت 10 ايام وكانت اعراض حمل بس عملت تحليل الدم ومفيش حمل وروحت للدكتوره كتبتلى برشام ينزلها وبعدين عملت سونار وكتبتلى ع كلوميد وجلوكوفاج الاول منشط وانا قولتلها مش هاخد منشطات لانى مش مستعجله ومش عايزه الخبط هرموناتى
الجلوكوفاج ده بيكتبوه للتكيسات بس هى مقلتش انى عندى حاجه المهم جوزى لما جاب الدوا وقريت الروشيته فهمت ده ليه انا اخدته لانى عرفت انه مفهوش ضرر بس الكلوميد ماخدهوش وجوزى مش عايزنى اروح لدكاتره تانى وبيقولى مش مستعجلين
بس انا كنت حابه اروح اطمن ان مفيش حاجه
وهو بيقولى متفتحيش ع نفسك فتحه
ع فكره انا بعد جوازى باسبوعين بدات اروح لدكاتره علشان الالتهابات وكمان النزيف من الدخله
وف دكتوره قالتلى محتاجه عملية كحت او كى والتانيه كتبتلى منشطات وف الاخر حملت من الدخله يعنى البيريود مجتش من اول جوازى لحد ما ولدت
علشان كده جوزى مش بيثق ف كلام الدكاتره ومش عايزنى امشي ورا كلامهم
والله محتاره اصمم واروح ولا اسمع كلامه
لو واحده عارفه معلومه عن الهرمون ده يا ريت تقولى
البت سماسم البت سماسم 138186_11.gif سوبر فتكات Fatakat 138186 قلب الدنيا – الدنيا
سبحان الله و بحمده