انا بجد مش عارفه ابدا منين لان حالتي كانت صعبه جدا وتعبت جدا والحمد لله ربنا رزقنا بمحمد يارب يرزق كل اللي دخلت الموضوع يارب
بعدة مانزلت الجزء الاول واتثبت بفضل الله ياريت بس الاداره تحطه ف الجزء الاول تطورات منه عشان الكل يستفيد
عاوزه اقولكو على كل اللي حصل معايا بجد هيفيدكو
ف البدايه اللي عاوزه كل شيئ واي شيئ عن الحقن المجهري تدخل موضوعي ده هو مثبت الحمد لله وده فيه كل حاجه عن حالتي فالعمليه وبجد هيفيدكو لاني عشت كل ده
وقليل اللي بتشرح كده لاني كنت بدور كتير قبل مااعملها بس مش يلاقي رد كويس يفيدني عن اسئلتي
موسوعه تجربتي الناجحه ف الحقن المجهري. اجابة 50 سؤال
https://fatakat.univanet.com/#4918787
طيب نبدا بقا دلوقتي وبالتفصيل انا جالي رسايل كتير جدا بفضل الله لاني كنت حاطه ف نيتي اني افيد وارد على كل واحده تبعت لي وتسال ومن
والاسئله كاااانت
نسبة الحيوانات المنويه كانت كام السرعه كانت كام السرعه الاولي والتانيه والتالته كام ايه نوع العلاج رحلتنا مع دكاترة الذكوره بصو بقا احنا لما حصل تاخير ف الحمل جوزي حلل وكانت التحاليل صادمه لينا لان التلات سرعات كانو صفروالسرعات دي للي اول مره يعرف فيه ف تحليل السائل المنوي حاجتين بنبص عليهم العدد والسرعهالعدد ف المللي الواحد
والسرعه فيه 3 سرعات ف التحليل هتلاقوهم تحت كده ف الاخرسرعهA بعد نص ساعه
ودي بتكون الاهم لان الحيوان المنوي بيكون سريع اد ايه عشان يروح للبويضه ويخترقها ف التحليل لسرعته بعد نص اد ايه
سرعهB دي بتكون بعد زمن كذا ممكن يكون ساعه
ودي هي وسرعه C مابيكونوش مهمين لما بتكونAقليله جدا زي عند جوزيف حالتنا السرعه كلهم صفروده عملنا احباااط شديد طبعا جوزي راح لدكتور اداله ادويه واستمر عليهم لمدة 3 شهور لان انتاج الحيوان المنوي بيكون خلال 3 شهوربعدها النتيجه صفر برضه
قلنا نغير الدكتور ورحنا لدكتور مشهور برضه ادالنا دوا بعد مااطلع على الادويه السابقه وبعدها بتلات شهور نااااافس الحكايه صفر بس السرعات التانيه فيها تحسن ها طفيف جدا لكن برضه السرعه الاولى صفر فالدكتور قال هتاخد وقت كبير لحد مايتعالج فقلناله لا مش هينفع نصبر فعملنا الحقن وربنا رزقنا بمحمد
قلنا خلاص مفيش دواء نتجه للعلاج بالاعشاب بدانا من وانا حامل ف الخامس فسالت خالتي لان حالة جوزها مشابهه لجوزي قالت لي الحجامه فقلنا نجرب الدكتور ده هو دكتور دكتوراه ف الحجامه والابر الصينيه ومش عارفه رصه كبيره كده هههههه
المهم بدا جوزي ف الحجامه كل شهر حجامه وكل مره يزودو اماكن الحجامه والله وكان مبسوط وبيستحمل
تاني حاجه مع الحجامه معلقتين عسل مع كوب رايب وعليه نص معلقة حبة بركه و اهم حاجه التمر السعودي بياخد بلحتين الصبح وبليل قبل النوم الوصفه دي مرتين
معاهم دوا اسمه ثواني هروح اجيب العلبه اه اهو اسمه كارنيفيتا فورت دا مرتين برضه
طبعا خليته يسال الدكتور ليه مفيش طلع نخل قال لان العدد عندو كويس والطلع بيكتر العدد
بعدها بتلات شهور مفيش تقدم برضه برضه ماياسناش وكملنا ف العلاجبعدها عمل التحليل السرعه الاولى 5% وبعدها تحليل تاني 20%دا لحد الموضوع اللي فات اللي فوق ف اول الموضوع وبعدها بقا اقل 15% من اول امبارح وصلت النسبه لماشاء الله40% انا فرحانه اوي الحمد لله طبعا تحليل يكون فيه مره طالع مره نازل مره ثابت ماتقلقوش خالص دا انا كنت فاقده الامل
اه كنت هنسا
الحجامه بقيت كل 3 شهور دلوقتي لو ماكانش فيه تحسن كان هيزود له الابر الصينيه كمانوالدكتور قال لسه برضه هنستمر ف العلاج وقاله اهم حاجه الجماع ركز ف اليوم 12 و14 و16 و18وقال على حاجه تانيه بس مكسوفه اقولهاوقال انها حابت نتيجه مع ناس كتيرقال انه بعد الجماع مباشرة سوري معلش والله 
يدخل السائل المنوي بصباعه كويس انا اسفه والله بس المشكله اني لازم اقول كل اللي نبه عليه الحجامه اهم حاجه انه يكون متخصص ف الحجامه مش اي دكتور لانها بتتعمل ف مناطق معينه حاجه تانيه لان فيه كتير سالو اذاكان فيه ستات اه قسم للستات وبتعمل دكتوره وقسم رجاله ومليان بقا دكاتره تحت ايده بيعملو المناطق اللي هو بيحدده
يااارب يرزقكو يااارب بالذريه الصالحه انا لقيت كمية دعوات من الموضوع الاول خلتوني دمعت لانكو دعيتولي وارجو من الكل يدعيلي باني اخاوي ابني محمد يارب حتى لو مش هتردي بالدعوه ف الرد ادعيلي دلوقتي يارب ارزقني باخ او اخت لمحمد ياااارب
اهم حااااجه ليكو ثقو ف الله قولي ربنا هيديني لا تحاليل ولا دكاتره دي كلها اسباب يارب ارزق كل واحده قريت الموضوع وارضيها
وماتنسوش ان ربنا قالهاولسوف يعطيك ربك ف ترضى
انا ربنا اداني ورضاني يارب يديكو ويراضيكو
بفضل الله الله اكبر قادر على كل شيئارجو بس حاجتين بعد التعب ده ف الموضوعين
ادعولي ربنا يرزقني بحمل قريب يااارب قريب ياربتاني حاجه التقييم مش عشاني طبعا بس عشان خاطر لما يتثبت تلاقي اللي عاوزه تعرف عن السرعه والحقن تلاقي اللي يرشدها يارب اكون افدتكو ماتنسيش التقييم لو سمحتي شكرا ليكو
ماتنسوش التقييم عشان الموضوع يثبت
ماتنسوش التقييم عشان الموضوع يثبت
نونا توتي نونا توتي 757275_1.gif فتكات هايلة Fatakat 757275 الجيزه – مصر