السلام عليكم ………………………. ياحبايبى
اخبار البمبه ايه ……………………… ياحبايبى
موضوعى بقى النهارده .. خاص بالحوامل اللى بيشتغلوا ………… بس مش معنى كلامى ان اللى مش بيشتغلوا يطلعوا بره الموضوع
نو …………….. ابسلوتلى
خليكم معانا عشان تعرفوا القانون بيديكى الحق فى ايه وانتى ماتعرفيش ………. عشان تعرفى اى واحده حامل بالقانون ده
بصوا بقى .. انا عرفت ان القانون بيعطى للحامل بدايه من الشهر السادس .. الحق فى ساعه راحه .. يعنى تروح الشغل متأخر ساعه او تروح بيتها .. بدرى ساعه
بس للاسف اللى اكتشفته ان معظم طوائف الشعب المصرى ماعندهوش فكره عن القانون ده …… حتى ان الموسسات الحكوميه مش بتلفت نظر الموظفات للحق ده
لدرجه ان موظفه شئون العاملين فى شغلى .. كانت ماعندهاش فكره عن القانون ده … ولانها ست شريره ومش بتحب الخير لحد ,…حاولت تعقدلى الامور بس انا ماسمعتش كلامها واصريت اخد حقى
بصوا بقى ……….. الاجراأت ايه
1_ تروحى لدكتورتك .. تاخدى منها ورقه مكتوب فيها انك حامل فى الشهر السادس .. وتختم الورقه بختمها
2_ تروحى شغلك تاخدى منهم خطاب موجه للجنه الطبيه .. مطلوب فيه تقرير حاله
نص الخطاب
( الساده اعضاء اللجنه الطبيه ………… تحيه طيبه
الرجاء توقيع الكشف الطبى على المزكوره ……….. فلانه الفلانيه …………….. وافادتنا بتقرير عن حالتها
ولكم جزيل الشكر
وختم وامضاء المدير
3_ تروحى اللجنه الطبيه وتاخدى معاكى 1) الروقه بتاعه الدكتوره
2)خطاب الشغل بتاعك
3)بطاقتك الصحيه
4)صوره بطاقتك الشخصيه
5)مبلغ سته وثلاثين جنيها
وتروحى اللجنه الطبيه لمكتب الاجازات وتقدمى صوره بطاقتك الشخصيه .. وبطاقتك الصحيه ..وخطاب شغلك …………. وتشترى طوابع بالسته وثلاثين جنيه
وتستنى دورك
وتدخلى تتعرضى على الدكتور ……………….. طبعا هى مش هاتكشف عليكى ولا حاجه بس هى هاتطلب منك الورقه اللى دكتورتك عطياهالك
وبعدين هاتديلك تقرير حاله توديه شغلك
وتبقى كده خلصتى كل الاوراق .. وتاخدى الساعه اللى من حقك
,
,
,
,
عايزاكم بقى تعرفوا كل الحوامل اللى بيشتغلوا بحكايه القانون ده ……….. عشان ده حقنا
واوعى حد يقولك .. مافيش قانون كده وتصدقيه …………… انا كان بيتقاللى كده
ولو عايزه تتأكدى .. روحى قسم الاجازات فى الاداره اللى تابع ليها شغلك .. وهناك هاتتأكدى ان كلامى صح
مع السلامه ياحبايبى
عصفوره الربيع عصفوره الربيع 682182_2.gif فتكات هايلة Fatakat 682182 القاهره – مصر
