السلام عليكم ورحمه الله وبركاته
ازيكم يا بنات الموضوع ده كنت عملاه من حوالى 5 ايام ونزلته لكن السيرفر كان فيه مشكله وبعد كده نفسى اسدت بسبب الى بيحصل بس قلت اخرج واخرجكم من المود السىء ده
ويا ريت تدعوا لمصر ولينا يا بنات ربنا يسترها يا رب
النجرسكو ده بجد لو جربتيها هتعجبك اووى طعمها ولا اروع بجد وعجبت جوزى جدا جدا ومفيهاش ولا نقطه زيت ولا سمنه بجد
طبعا النجرسكو
عباره عن مكرونه مسلوقه
والحشو
والبشاميل
للحشو
هنحتاج نص كيلو صدور بانيه مقطعه سلايز
بصلتين كبار
3 فلفل رومى
3 جزرات
3 ملاعق توم مفروم
3 او 4 ملاعق زيتون مخلى ومقطع
عصير ليمونتين
والتوابل ملح وفلفل وبهارات وقرفه وجنزبيل وحبهان وورق لورا
البشاميل
هنحتاج ليها
2 كوب لبن خالى الدسم
2 كوب مايه
2 كوب شوربه منزوعه الدهن وده انك تحطيها فى التلاجه هتتجمع عندك طبقه الدهون تشيليها بالمعلقه وتستخدمى الشوربه عادى
5 ملاعق كبار دقيقل
والتوابل ملح وفلفل ورشه جوزة الطيب
بيضه
المكرونه
نص كيلو مكرونه شرايط ده الاصل او اسباجتى
وطبعا المفروض تكون مكرونه بنى الى هى بالدقيق الكامل بس العاديه برضه هتمشى
هنسلقها عادى خالص
الطريقه للحشو
هنجيب طاسه عاديه ونحطها على النار ونضيف ليها الفراخ من غير اى دهون خالص
ونقلبها لغايه ما تتشمع ولونها يبيض كده
هنجيب البصل والفلفل والجزر ونفرمه بالكبه بس فرم مش ناعم اووى
وهنضيفه على الفراخ ونضيف باقى المكونات والتوابل ما عدا الزيتون
وممكن نضيف نص كوبايه مايه ونغطيها تستوى كويس اووى
وبعد كده نضيف الزيتون وكده يبقى الحشو جاهز وبجد طعمه وريحته روعه
وده طبعا ممكن يتاكل كده لوحده مع ارز وسلطه ويبقى وجبه تانيه
البشاميل
هنضيف كل الكونات مع بعض على البارد ونقلبها كويس بمضرب سلك
ونرفعها على النار حتى الحصول على قوام متماسك مع التقليب
نرفعها ونضيف البيضه فى الاخر ونقلب
كده كل المكونات جاهزة
هنجيب المكرونه الى سلقناها ونضيف ليها شويه من البشاميل ونقلبهم
وهنجهز الصينيه لو بايركس ضيفى ليها معلقتين بشاميل فى قعرها وشويه بقسماط ومش هتلزق
لو تيفال ومتاكده انها كويسه برده ضيفى ليها بشاميل
ولو المونيوم انا ضفت معلقه واحده زيت علشان متلزقش
حطيت نض كميه المكرونه
وعليها الحشو
وبعدين باقى المكرونه
وفى الاخر البشاميل
وندخلها الفرن وده شكلها اما طلعت
شايفين الوش وجماله وكل ده من غير اى نقطه دهن
وده لما قطعتها
وده اقرب شايفيين الجمال
بجد يا بنات جربوها على ضمانتى ومحدش يقول الطعم مش هيبقى حلو بالعكس طعمها مش ممكن تفرقوه عن العاديه الى فيها 455754 معلقه سمن او زيت
صدقونى الاكل مش بدسمته الاكمل بمكوناتك واضفاتك وتوابلك وده الى بيميز اكل واحده عن التانيه
ومتنسوش التقييم يا بنات والردود علشان اتشجع انزل هنا فى القسم
لان ده اول اكله ليا هنا
سلام يا بنات
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى