اولا سلام عليكم
ثانيا انا عارفة ان موضوعى ده كان مفروض يكون فى صحة المراة بس انا محتاجة دعائكم اوى
انا عملت موضوع قريب اسال فيه عن انى اسيب الشغل علشان حامل وجزاكم الله خير نصحتونى بانى اسيب الشغل وانا خدت بنصيحتكم لانى كنت مستنيه البيبى ده قوى وفرحة جوزى بيه كانت قويه اوى
المهم انا روحت امبارح للدكتورة وانا فرحانة علشان اتابع معاها المهم انا اخر دورة جاتلى فى 1310 2024
يعنى كده فى الاسبوع السادس تقريبا زى ماعرفت من النت الدكتورة قالتلى ان مافيش نبض وده راجع ان الحيوان المنوى كان ضعيف ولو ماضهرش بعد اسبوع او عشرة ايام بالكتير هينزل ومش هينفع يكمل
انا والله مش معترضه على امر الله بس اى واحده فيكم عارفه احساس الام وهى بتعد الايام علشان تشوفة بين ايدها وينام فى حضنها انا بحلم باليوم ده وبحسبه من دلوقتى كان نفسى اسمعه بيقولى ياماما بس اللهم مااعتراض
علشان كده اعصابى زفت وجوزى بيقولى انت كده هتنزليه بس والله غصب عنى دخلت على النت ولقيت معظم اللى حصلهم كده نزل بس طبعا مش كلهم
انا بس نفسى كل واحده فيكم تدعيلى من قلبها ان ربنا يخلهولى ويكمله على خير ويبق معافى لابه زياده او نقصان
وجزاكم الله كل خير
mshmsha2016 mshmsha2016 فتكات هايلة Fatakat 278284 القاهرة – مصر