ازيكم يا احلى واغلى فتوكات مش هتكلم كتير علشان متزهقوش منى من اولها الموضوع ده بجمع فيه صحبه صالحه ان شاء الله ونبدا مع بعض رجيم جماعى صلو ا على رسول الله كل يوم إن شاء الله اكتب جدول او قائمه طعام الاسبوع وان شاءالله يتيسر لنا امرنا ببركة ذكر الله ونحاول دائما نشجع بعض انا عارفه ان الموضوع متكرر بس ياله نحاول من جديد وان شاء الله ربنا معنا وكمان ناخذ هذه النوايا1-قربه الى الله2-اخذ حسنات3-محافظه على صحتى لكى اوادى فرائضى على اكمل وجه4-تحسين مظهرى وارضاء ربى وزوجى ونفسى .بارك الله فيكم ادكو فى ايدى نشجع بعض اصل انا امشى شويه واكسل شويه فوجدت ان افضل حاجه الصحبه الصالحه دنيا ودين انا فى انتظار مشاركتكم بارك الله فيكم علشان نبدا باذن الله علطول وكل واحده تقول وزنها وطولها علشان هنوزن كل اسبوع ونحاسب بعض بارك الله فيكم ارجو تقيم الموضوع احبكم فى الله
شروط البدايه
1-التوكل على الله 2-تشجيع بعض دائما3-اراده وهمه واقتناع 4-الدخول يوميا وكتابة الانجازات إلافى حالة اى ظروف لاقدرالله5-الدعاء لبعض بظهر الغيب 6-الصدق التام مع النفس7-القياس كل جمعه فقط وفى نفس الوقت
نصائح هامة
-تجنب إهمال وجبة الافطار وكذلك يقسم الطعام 4او5وجبات خفيفه.
-تجنب حدوث إمساك اعزكم الله باستخدام اللبن الرايب- الذبادى-الخياروالالياف عموما.
-محولة النوم بدرى قدر المستطاع والاستيقاظ بدرى علشان صلاة الفجر.
-عدم الاكل امام التليفزيون او اثناء الانشغال باى شئ لان هذا لا يشعر بالشبع.
محاولة المشى 3مرات فى الاسبوع مع استخدام السلم بدل الاسانسير.
اولا كل يوم ان شاءالله اول حاجه شرب كوب منقوع الكمون ثم شرب2 كوب ماء دافئ مع نصف ملعقة عسل على الريق وننتظر نصف ساعه
الافطار.
ربع رغيف بلدى(طبق فول صغير بدون زيت او قطعة جبنه قريش اوبيضه)وكوب شاى بحليب لمدة اسبوع بين الوجبتان2ثمرة فاكهه من نوع واحد او خضروات ماعدا(المانجو-التين-العنب البلح…)وكمان نشرب خلال اليوم قرفه بالجنزبيل حلوه قوى لحرق الدهون وقبل كل وجبه شرب 2كوب ماء والبردقوش والشاى الاخضر.
.الغذاء
4ملاعق ارز بدون سمن او زيت + ربع فرخة(مسلوقه اومشويه)اوربع ك سمك او1قطعة لحمه حمراء(مسلوقه او مشوية)او علبة تونه بدون زيت او 2بيضه مسلوقه+طبق سلطه(نبداء بيه)او طبق خضار سوتيه وطبعا بعد الاكل ب3ساعات ناخذ 2ثمره فاكهه اظن كده اخر دلع ارررررررررررجوكم الاهتمام ونشجع بعض كلنا
العشاء مثل الافطار.ملحوظه هااااااااااااااااااااامه العشاء قبل النوم على الاقل ب2ساعه
الوسائل المساعده المهمه1-التوكل على الله 2-الدعاء بالتوفيق3-الالتزام وتجديد النية4-شرب ماء دافئ على الريق واثناء اليوم وقبل الوجبات وعلشان متكسليش اغلى ميه الصبح وضعيها فى الترمس5-شورب قرفه بالجنزبيل6-ترك 3 ساعات بين كل اكل 7-محاولة شفط البطن اكثر من مره لمدة 5 دقائق8-المشى لمدة نصف ساعه على الاقل 3مرات فى الاسبوع.الجدول لمدة 2اسبوع ارجووووووووووووووووووووو الالتزام ونشجع بعض دائما واليوم الفرى بعد اول اسبوعين
هذا الرجيم ينقص من 2 الى3 ك فى الاسبوع بدون مضاعفات
1-التوكل على الله
2-الميزان
3- المشى
4-اكل فاكهه وخضراوات
5-شرب شاى اخضر وبردقوش وقرفه بالجنزبيل
البعد عن الحلويات
شرب ماءكثير
وعلى بركة الله البدايه غدا وفقنا الله واياكم مين تحب تحط ادها فى ايدى
ريحانة3 ريحانة3 209789_16.gif سوبر فتكات Fatakat 209789 المنصورة – مصر