السلام عليكم ورحمة الله
ازيكم يا فتوكاتى والله بقيتو توحشونى جدا بسبب كمية الحظر الباخدها كل كام يوم
يلا الحظر للجدعان
المهم انا جية دلوقتى عشان اسالكم مين فيكم جربت كاسات الهوا ( الكسر او الحجامة )
او التعرف طريقتها بالظبط وبتتعمل امتة وبأيه تقولى
ليه بقى هقلكم انا بقالى كام شهر مبطلة وسيلة منع الحمل ومحصلش حمل من كام شهر رغم انى كشفت والدكتورة قالتلى تبويضك كويس جدا الحمد لله ده حتى بسم الله ما شاء الله قاتلى انى ممكن اجيب بالجوز لانى بنزلى كل شهر كذا بويضة فأنا استغربت ليه محصلش حمل كام شهر ورا بعض رغم انى بحسب معاد تبويضى وبعمل كل المطلوب عشان سهولة الحمل وبردو لسة ربنا مأردش والمشكلة ان جوزى مسافر الفترة الجاية
فأنا قلقت لانى حصلى اجهاض مرتين ومش عرفة ايه السبب فاجدتى وخالتى قالولى طيب ما تجربى تعملى كسر على ضهرك (كاسات الهوا) يمكن تكونى واخدة رطوبة او الرحم مايل ويمكن ده سبب الاجهاض
فأنا قريت كتير عن كاسات الهوا وفعلا عرفت انها مفيدة جدا لتسهيل الحمل وغيرو
فانا عرفت انها بتتعمل بعد الدورة ما تخلص بعد الطهارة ويفضل يكون الصبح على ريق النوم لمدة 3 ايام ورا بعض
وفى ناس قالو لاء بيكون من تانى يوم الدورة
بس انا قررت اعملها الصبح باذن الله بعد ما اطهر انهاردة من الدورة
بس عندى سوال للجربو كسات الهوا الربطة او البؤجة البتتحط على الضهر دى بيكون فيها ملح بس ولا بيتحط فيها حاجة تانية زى شيح مثلا او اعشاب تانية
يا ريت التعرف تفيدينى
وامانة عليكم التشوف موضوع متبخلش علية بدعوة حلوة ان ربنا يرزقنى الشهر ده واحمل عشان نفسى اخاوى ابنى وربنا يرزقنى ويرزق كل العايز يا رب ولو مش عيزة تكتبى امانة عليكى تدعيلى من قلبك بظهر الغيب
وجزاكم الله كل خير
انا ان شاء الله هجرب الكسر الشهر ده ولو ربنا كرمنى بالحمل هاجى اقلكم بأذن الله
om.adam1 om.adam1 ممنوعة من المشاركة Fatakat 262140 الاسكندرية – مصر