ازيكم يا قمرات
وكل سنة وانتم طيبيين
اولا بشكر كل الى صوت ليا فى المسابقة
وكل الى صوت لغيرى
وبشكر حبيبة قلبىmero_sh,
على تعبها ومجهودها فى المسابقة
على استكمالها معانا للمسابقة
جزاها الله كل الخير يا رب
الحقيقه انا عامله سفرتين
يوم قبل شم النسيم عندى وكان جمبرى مشوى وكليمارى مقلى ورز بالجزر
ويوم شم النسيم كان فسيخ وملوحه وسردين ورنجه عند ماما
ربنا يشفيها ويديها الصحه يا رب
نبدأ بالسفرة الاولى
هنحتاج للتبيله الجمبرى والكليمارى
توم مفروم وفلفل احمر حامى مفروم
وعصير ليمون
وملح وفلفل وكمون وكركم وزنجبيل
وورق لورا للجمبرى
الاول هنفتح الجمبرى من ظهره ونشيل كيس الرملى
وهنحتفظ بالقشر والرأس والديل زى ما هما
ونغسله كويس بالمايه وبعدين نحط المكونات بتاعه التتبيله عليه ونسيبه من نص ساعه لساعه
ونحطه فى صاج بتاع الفرن وندخله الفرن على الصاج الفرن من تحت لغايه ما يستوى مش بياخد وقت كتير
وده شكله لما خرج
الكليمارى
هنقطعه صوابع بالطول ويتغسل كويس ونتبله بالتتبيله بس نضيف عليه بيضه
وبعدين نغمره بالدقيق وعلى زيت سخن عميق
ويا ريت ميتحطش كتير فى الطاسه عشان الطبقه بتاعه التغطيه متقعش
وده شكله بعد القلى
الرز هنشوح بصلايه فى شويه زيت بس متحمرش نضيف الجزر المبشور
وبعدين الملح والفلفل والكركم
والرز والمايه بتاعته عادى ويستوى زى اى رز
نتيجى لسفرة ماما بقى
عبارة عن الفسيخ والسردين من عمايل ايدى وتخليلى
والملوحه والرنجه جاهزين
هو انا مصورتش الخطوات لان ما شاء الله القسم مليان خطوات الفسيخ
بس هقول طريقتى بسرعه
للفسيخ والسردين
هنحجيب السمك نغسله كويس تحت الحنفيه والخياشيم ونسيبه يتصفى كويس جداااااااا
كام ساعه وننشفه بمناديل كويس جداااااا
ونحضر ملح على شطه على كركم للفسيخ
وللسردين ملح وشطه بس
نبدأ نحشى الخياشيم كويس ونرصه فى كيس
ونحط على كل سمكه شويه ملح على جسمها بس مش كتير
ونحطه فى كيس جوه كيس جوه كيس
وفى الاخر نحط رشه زيت وعصير ليمون وقشر الليمون
ونقفل كويس الكيس
ونحطه فى مكان مقفول
اول 3 ايام منحركوش وبعدين نبدأ نحركه الى تحت فوق والى فوق تحت
الفسيخ 15 يوم
والسردين 10 ايام
وبس بيبقى رائع
ده الفسيخ
وده بالترتيب الملوحه والسردين والرنجه
طبعا يتنظفوا ويتعملوا بالطريقة المعتاده
زيت وليمون وشطه
ده السردين زودت عليه صوص طحينه
وهنا الرنجه قطعتها قطع صغيره وزودت طماطم مقطعه وفلفل وطحينه
والملوحه
والفسيخ
وده الاكل على بعضه
وبس كده كل شم فسيخ وانتو طيبيين يا فتوكات
واتمنى موضوع يكون عجبكم
سلام مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى