السلام عليكم ورحمة الله وبركاته على احلى امهات فى الدنيا كلها فى البدايه يا قمرات انا كنت كتبت موضوع قريته فى احد المواقع ونقلته للفائده والموضوع كان بعنوان
هـــام جـــدا مـــخـــاطر نــــوم الحــــامل على ظـــهرها
https://fatakat.univanet.com/#2644558
وكانت اخت من الاخوات سألتنى سؤال عن الحبل السرى والخرافه اللى كلنا بنسمعها عن وضعية النوم وانه ممكن تخليه يتلف حول رقبه الجنين ويسبب لا قدر الله ما لاتحب اى ام ان تتفوه به فى حق جنينها عافانا الله واياكم
وده سؤالها
*Ro0oNa*
فتكات نشيطة
ربة منزل – مصرية
تاريخ التسجيل: 3/2016
المشاركات: 249
المواضيع: 2
رد: هـــام جـــدا مـــخـــاطر نــــوم الحــــامل على ظـــهرها
ربنا يجازيكي خير علي المعلومات دي انا فعلا سمعت ان النوم علي الشمال احسن وعلي الظهر بيجيب دوخة بس ماكنتش اعرف ليه
بس انا عندي سؤال بعد اذنك هو صحيح اني لو اتقلبت وانا نايمة الحبل السري ممكن يلف علي الجنين ولازم اتعدل الاول وبعدين اتقلب؟ ولا ده مش صح
وربنا يقومنا بالسلامة وكل الحوامل يارب علي خير
وشكرا علي الموضوع الجميل
وده كان ردى عليها
والله يا اختى انا كمان سمعت زيك كده بس الله اعلم هل ده صحيح ولا لا انا كنت فى حملى الاول معرفش الموضوع ده والحمدلله ربنا يسرها ومحصلش حاجه بس ان شاء الله اسأل فى الموضوع ده واقولك
ربنا يجازيكى خير ويبارك فيكى كمان الموضوع هنا موضح ان لو الواحده نايمه على ضهرها تتقلب بالراحه على جنبها بس ان شاء اسأل الدكتور بتاعى وارد عليكى
وحبيت ارد فى موضوع منفصل عشان الكل يستفاد وعند سؤالى للدكتور قاللى ان ده لا اساس له من الصحه وان دى خرافات وكلام بغير بينه علميه والاهم بأه ان التفاف الحبل حول رقبه الجنين ده راجع لطول الحبل نفسهوليس له اى علاقه بوضعية النوم او ان لازم الواحده تقوم تقعد وبعدين تنام على الجنب تانى وكمان فيه اضافه كده صغيره من عندى وهى ان الجنين بيلعب بالحبل وبيكون ده اول لعبه يعرفها الجنين ويجربها والدكتور قالى ايوه الله ينور عليكى يعنى باختصار بعد كل الرغى ده نامى واتقلبى براحتك يا ماما ومتقلقيش على النونو دا اذا قدرتى تتقلبى اصلا هههههههههههو يارب اكون قدرت افيدكم ويارب يقومنى ويقوم كل حامل بالسلامه ويشفينى ويقدرنى على خدمه ولادى وزوجى
ويارب يرزق كل مشتاقه بالولد الصالح السليم المعافى اللهم امين
مرمر ام عمر مرمر ام عمر 341939_21.gif فتكات رائعة Fatakat 341939 دمياط – مصر