أجمل وأحلى أخوات فى الله اشكر كل من صوتلى فى مسابقه اجازه سعيده واكلات لأولادى جميله ومفيده وباذن الله يكون الاكل عجبكم
واشكر كمان برنسيس الجميله على المسابقه الجميلة زيها .
وكمان كل المشرفات على تعبهم ربنايجعله فى ميزان حسناتهم
بإذن الله تعالى دى مشاركتى فى مسابقه نبدأ بسم الله الرحمن الرحيم
الصنف الأول
مكرونة بالبشاميل
انا عملتها بالفراخ بدل العصاج
نقطع الفراخ قطع ونشوحها فى الزيت
ونشيلها على جمب ونحضر صلصه ونرجع الفراخ تانى ونبهرها ونسيبها لحد مانخلص باقى المكونات
نعمل البشاميل
@@@@@@@
دى طريقتى فيه نضع 10 معالق دقيق وزيهم زبده على زيت
ونحمر الدقيق فى الزبده لحد مانشم ريحه الدقيق مع الزبده
نضع كيلو لبن وممكن اكتر شويه لو احتاج وممكن نزود شوربه
ودا شكله يكون مش تقيل ومش خفيف قوامه مظبوط
نضرب بيضه ونحط نصها مع البشاميل والنص التانى على وش الصنيهالصنيه
ونخلط المكرونه بالباشاميل ونسيب شويه بشاميل للوش
ونركب بقى الصنيه نبطنها بزبده وشويه بقسماط ونحط طبقه مكرونه وطبقه عصاج الفراخ وطبقه مكرونه تانى وفى الاخر البشاميل ونساوى الوجه بباقى البيضه
ونرش من فوق شويه بقسماط وقطع زبده وتخبز
الصور موضحه حبيباتى
نكمل المشاركه الجايه ياقمرات مواضيع هذا القسم برعاية
11mony 11mony 97400_1.gif فتكات ست الكل Fatakat 97400 ALON – eldonya