النهاردة يا فتوكات عملت خبيزة بالفريك او بالرز
اول حاجة نقطف نصف كيلو الخبيزة مع نصف ربطة كزبرة خضراء ونصف ربطة شبت + ربطة كبيرة سلق
وده شكل الخبيزة
ونغسلهم في ماء ونصفيهم في مصفاة ونتركهم ينشفوا زي الملوخية
وتخرطوها بمخرطة او في الكبة عادي
بس خشن شوية
كده
وناخد 2 معلقة كبيرة فريك منقوع في ماء ساخن
او 1 معلقة ارز منقوع
وناخد 2ونصف كوب كبير شوربة ونضع الفريك او الرز
مع بصلة صغيرة مقطعة
ولما تغلي نهدي النار جدا حتي يستوي الفريك
عشان الشوربة ما تنشفش
وبعد ما يستوي الفريك او الرز نضع الخبيزة
ونتركها تغلي لمده 5 دقايق مع نصف معلقة صغيرة ثوم مبشور
وبلاش نغطيها عشان هتفور
وتكوني مجهزة 4 فصوص ثوم مع معلقتين سمن
ورشة بهارات للطعم
ونضع الطشة علي الخبيزة ونغطي
زي كده شوفوا اللون يجننننننن
وتقدم مع ارز بالشعرية
طعمها تحفة بجد امووووووووووت انا
يمييييييييي
اتمني تعجبكم وتجربوها علي طريقة ماما وتيتة
لو عجبتكم قيموني وبلاش تنسوني
وبلاش المثل الشهير افشر افشر والعشا خبيزة
اصلي من عشاقها وعملتها كده لجوزي وحماتي وعجبتهم جدا جدا
في رعاية الله يا فتوكاتي
مواضيع هذا القسم برعاية
فريدة فى كل شىء فريدة فى كل شىء 591458_22.gif برنسيسة فتكات Fatakat 591458 القاهرة – مصر