صباح الفل على احلى فتوكات ان شاء الله دايما باحسن حال يارب اليوم الاكلة طيبة
كتييييييييييييييير وشوي غريبة مو كل الناس بتعملها يعني لما الفتوكة الحبابة الي بدها
تكت رد مو تتفرج وبعدين تلبس طاقية الخفى بتحب تغير باكلاتها بتقدر تعملها ونتيجتها
مكفوووووووووووووولة
منبدا بالمقادير
لسلق الارز:
3كوب رز بسمتي منقوع حوالي تلت ساعة بماء دافئ مملح
10 اكواب ماء مغلي مع ورقتين لوري وشي تلات حبات هيل
للتحمير:
كوب جبن موتزريلا
للبشاميل منحتاج:
زيت + ربع كوب دقيق منقلب ومنضيف عليهن 3كوب حليب + مكعب مرق دجاج +
ملعقة صغيرة ملح + ربع ملعقة صغيرة بهار ابيض ومنتركهن عالغاز لحتى
يسمك الخليط عفكرة البشاميل بيطلع رخو شوي مشان يتخلل حبات الرز
للحشو:
منحط بصلتين مفرومات مع زيت ومنقلب بعد هيك منضيف سنتين توم وشي 200 غ
لحم مفروم خشن منقلب لتنشف المي منضيف حبة جزر مقطعة و
حوالي كوب بازيلا و شي 2 او 3 قطع ارضي شوكي او خرشوف مجمدة و بعدها حبة
فلفل رومي اخضر و حبة فلفل رومي احمر منحط عليهن ربع ملعقة
صغيرة من كل من بهار ابيض و كركرم و هيل مطحون + ملعقة صغيرة بهارات مشكلة
+ ملح حسب الذوق منقلب منييييييح منحط نص كوب ماء ومنتركهن
يستوو بهدوء وهاد شكل الحشو
منجيب ال 10 اكواب مي منحط اللوري و الهيل منتركهن يغلو منيح ومنضيف الرز
المنقوع منخليهن يغلو شي خمس دقايق و بعدين منصفي الرز متل الصورة
منجيب بيركس منحط طبقة رز
منحط الحشو
وطبقة رز تانية
منسكب البشاميل عالوش ومنضيف الجبن
مندخلها عالفرن لما تحمر الجبنة
هي صورة من الجنب بتوضح الطبقات
وهي اطيب بيركس رز بالبشاميل طعمتها رح ضل تحت سنانك هاد وعد مني
بنات يمكن تحسوها صعبة بس جد هيه شغلها عادي كتير و نتيجتها بتستاهل التعب
مشانها
بحبكن جميعا في الله الله يحمي بلاد المسلمين جميعا شر الفتن
كل عام و انتو بالف خير
طلب اخير ادعولي بهالايام المفترجة الله يحفظلي اهلي و زوجي من كل شر
وهي دعوة مني الكن الله يخليلكن كل الي بتحبوهن يارب مواضيع هذا القسم برعاية
سارة84 سارة84 212248_1.gif فتكات ست الكل Fatakat 212248 اللاذقية – سوريا ياحبيبتي