زى العنوان كده يا فتوكاتى الفكره دى جاتلى وانا مغتربه
كان عندى اللبن الحليب ده مشكله يقطع تانى يوم أو يوم ميكونشى عندى لبن أصلا وطبعا كان اللبن البودره عندى دايما
بستخدمه فى المعجنات وكنت بجيب اى نوع والله عليه عرض مش لازم نيدو يعنى
المهم عشان مطولشى عليكم خدوا شوفوا الصوره وقولولى تصدقوا ان ده رز ظ…ط¹ظ…ط± ط¨ط§ظ„ظ„ط¨ظ† ط§ظ„ط¨ظˆط¯ط±ظ‡
وأقسم بالله يا فتوكاتى انى عملاه باللبن البودره وبيكون أخف وطعمه حلو أوى من وجهة نظرى طبعا والناس أذواق بقى
وآدى الصوره لسه عملاه من يومين واحكموا بنفسكم رز معمر ده ولا مش معمر يا فتوكاتى
وبعمله كده فى مصر برضو لانه سهل وفى اى وقت بعمله بس لو معنديش لبن بودره خلاص بعمله باللبن الحليب
وانا كنت عمله موضوع قبل كده عن اللبن الحليب لو قطع وعايزه تعملى رز تضربيه فى الخلاط وبيكون زى اللبن الحليب بالظبط بس خذلتونى فيه ووقف نموه عند الصفحه التالته ولا الرابعه مش فاكره يارب مش تخذلونى هنا كمان
المهم
الطريقه يا فتوكات
نسمى الله
المقادير الاول
أنا بعمل تقريبا نص كيلو رز على قدنا عشان مش بحب أبيت أكل
وعليهم معلقتين ط²ط¨ط¯ظ‡
و4 معالق كبار مليانين لبن بودره واللى تحب تزود مفيش مشكله
رشة ملح ورشة سكر
الطريقه
1/ بحط الرز فى الصينيه وبشيل منه الحصا لو فيه وأغسله وأنقعه ييجى نص ساعه وكل ما بيتنقع بيكون أحلى بالذات الرز المعمر
وياسلام لو سبتيه فى اللبن كمان بس انا مش بسيبه فى اللبن عشان بعمله فى فرن البوتجاز
والرز بيكون لحد نص الصينيه تقريبا او اقل بسيط وتكمليها الميه أو اللبن طبعا
2/ بعد نقع الرز بشغل فرن البوتجاز من فوق ومن تحت وأحط ميه تغلى على النار
3/ هنا الرز بعد ما اتغسل واتنقع وحطيت عليه معلقتين الزبده ورشة الملح والسكر
4/ ودوبت الزبده فى الرز كلها بايدى خالص كده
5/ حطيت اللبن البودره
6/ حطيت الميه المغليه لحد ما الصينيه اتملت وقلبتها كووويس
أهم نقطه بقى
انك تحطيه فوق الاول عند الشوايه ياخد وش وبعدين لما يتحمر الوش تنزليه تحت وتوطى الشوايه خااالص أو تطفيها لو اتحمر كويس
أهو هنا جوه الفرن بدأ يتحمر
ولما يوصل للون المطلوب تنزليه تحت على طول بس مش تحت أوى لو فرنك عالى فى الرف التانى على طول
لحد ما يستوى وتخدم من الجنب كده بخلة سنان نظيفه أو حتى بضهر المعلقه وتشوفيه استوى خلاص تطفى
وتغطيه شويه وكلى أحلى رز معمر خفيييف جدداااومستور ومفرفر وجمييل بفضل الله
وده شكله
بس ده المره اللى صورت فيها الخطوات كلها اما الصوره اللى فوق من يومين وبنفس الطريقه بس فرنى معرفشى بيجيله حالات كده ههههه
وهنا غرفت منه عشان تشوفوه مفلفل ازاى وتشوفو الصينيه من تحت
وهنا مره تانيه لانى عملته كتييير
وكنت عمله معاه بس من غير تريقه
صينية بطاطس فى الفرن ومعاها لحمة راس
هكملها المشاركه الجايه ان شاء الله مواضيع هذا القسم برعاية
الاميره ام يوسف نور عيونى الاميره ام يوسف نور عيونى images/avatars/landscape.jpg سوبر فتكات Fatakat 571455 مصر حبيبتى الله يحفظها ويحميهامن كل شر – مع زوجى وولادى ربنا يحفظهم ويحميهم