مساء الجمال يا احلى فتكات
غبت فترة عن المدونة و رجعتلكم من جديد
محبتش ارجع و ايدي فاضية قلت اجيب
معايا وصفة اتمنى انها تعجبكم
لاحظت ان دبس الرمان غالي شوية
و قلت اقلكم على طريقتو في البيت
بما ان فيه وصفات كتيرة بيدخل ضمن مكوناتها
دبس الرمان و سعات ما بيكونش متوفر عندكم
يلا ورقة و قلم يا شاطرة منك ليها
هنجيب 3 كبايات عصير رمان
و نصف كوب عصير ليمون يفضل الاضاليا
و نصف كوب سكر
نحطهم يغلو على النار لغاية ما يفضل بس ثلث الكمية
نحطو في زجاجة معقمة و نستعملو عند الحاجة
شكلو هيكون سائل سميك طعو حامض جدا
و فيه شوية حلاوة و لوني نبيتي قاتم
حبايبي اللي هيسالوني ايه دبس الرمان ده و هنستخدمو في ايه
من عنيا اقول لكم
ممكن استعماله كبديل لليمون في السلطات و الفتوش
يمكن اضافتة للطبيخ مثل البامية و الكفتة بصلصة الطماطم بيدي حموضة لذيذة
بيتحط في تتبيلة اللحمة او الفراخ المشوية
ممكن يتحط على ورق العنب مع الزيت
وممكن كمان ندهن بيه السندوتشات بدل الكاتشب
انا كده خلصت موضوعي اتمنى يكون فيه افادة ليكم
عاوزة التقييم السيء ينزل يرفرف كده عالموضوع
مواضيع هذا القسم برعاية
sousou katousa sousou katousa 781466_4.gif فتكات ست الكل Fatakat 781466 فيصل – مصر