اول مره اعمل موضوع في قسم المطبخ وبعد تردد ويارب تعجبكم
المناقييييييش المعجنات رقم واحد بالنسبالي بموت فيها بالزعتر وياسلام بقى بالجبنه وجنبها كوبايه شاي ولا علبه زبادي او لبن رايب تبقى واو محصلتش
ولان الفتوكات حبايبي ولان المعجنات دي بتبقى غاليه بره قررت بما اني شطوره انزلهالكوا وعلى ضمانتي
واللي طالباه دعوه حلوه ليا ولعيلتي الصغيره
الاول المقادير (الكوبايه اللي هتعيري بيها هي اللي هتعيري بيها كل حاجه )
3.5 كوب دقيق
قطعه خميره بحجم عين الجمل (البديل معلقه صغيره خميره فوريه)
1/3 كوب زيت
3 معالق كبيره لبن بودره (لو مفيش يبقى نص كوبايه زبادي )
ماء دافئ للعجن
3 معالق كبيره سكر
1معلقه صغيره ملح
1معلقه صغيره بيكينج باودر
للحشو
بصوا بقى هو اي حشوه تنفع
زي لحمه معصجه
هوت دوج
جبنه
زعتر بزيت الزيتون
صلصه بالشطه (دي عباره عن صلصه مسبكه متقطع فيها قطع فلفل احمر حراق بجد تحفه )
الطريقه
*نبدأ نعمل اختبار الخميره اللي هو السكر وشويه ميه دافيه وعليه الخميره لغايه لما يبدأوا يتفعلوا
وبعدين بنحط كل المقادير على بعض ونعجن وياريت تعجني فتره طويله شويه وتقعدي تبسي في العجينه باديكي كده بهمه ونشاط لغايه لما تبقى يابسه وقوامها طري
(معلش الخطوه دي مصورتهاش)
*سيبيها في مكان دافي تخمر ويتضاعف حجمها
*في الفتره دي جهزي الحشوات
انا عملت الزعتر بشويه زيت ذره مكنش عندي زيت زيتون للاسف بس والله طلع حلو جدا وخفيف طعمها
وعملت بالجبنه الفيتا وعليها حبه جبنه موزاريلا مبشوره وبعدين بحط عليها حبه البركه
*قطعي العجينه بعد كده على صنيه مرشوشه دقيق قطع مدوره وسيبيها عشر دقايق ترتاح
*على الرخامه عندك رشي شويه دقيق وابدأي افردي العجينه بالطريقه دي
*ونقفلها بالطريقه دي زي المركب (معلش الصوره هنا مش واضحه)
*ومره كمان بالجبنه
*ونرش شويه حبه البركه
*ونقفلها كده
مواضيع هذا القسم برعاية
ismailia queen ismailia queen images/avatars/pacifier.jpg فتكات رائعة Fatakat 337198 الاسماعيلية/ القاهره – مصر