ممنوع اكل التورته المنزليه يعنى الى بتتعمل فى البيت
نوهاااااااااااائى
نوهاااااااااااااااااااااائى
طبعا هتقولو مالها هناء هى اتجننت
لا والله
بس متغاظه ومفروسه
وخاايبه واتصلت بكل الى اعرفهم عشان افضض واصرخ فى التليفون
لكن كلهم على بختى مش فى البيت
طبعا لقيت نفسى داخله اعيط معااكم شويه
النهارده عيد ميلاد جوزى
وبالمناسبه دى قررت اجمع من كام شهر وصفات التورتات
وجبت كل حاجه وكام مشوار مره للكريمه ومره للشكولاته
واشتريت كريز وورد وكل كل حاجه حلوه
المهم بقى ايييييييييييييه
القالب
التورتايه
وكنت ناويه اعملها كزا دور
انا مش صعبان عليا العشر بيضات لا مش مهم
ولا تعبى فى المطبخ من الساعه 7 لغايه ما انا بكتب لكم
لكن
ايه النتيجه
انا عملت المقادير كالتالى
5 بيضات
كوب ونصف دقيق
نصف كيس بيكنج وكيسين فانليا
وحطيت كاكاوعلى العجينه
لا بعض العجينه
وربع كوب لبن
وحطيت فى الخلاط البيض والسكر ( البودره ) والفانليا
وحد قالى حطى نقطه ليمون عملت كده
وربع كوب الللبن
واشتغل الخلاص
برررم بررررم برررم بررم
اه وكنت فتحاه من فوق عشان الهواء يدخل
وسخنت الفرن
وضيفت العجينه دى على الدقيق والبيكنج
وحطيت المقادير دى الفرن
فييييييييين بقى المشكله
الريحه تجنن
شامه اه
طب وبعدين
انا سمعت انها بتفور وحجمها بيكبر
ولا حياه فى التورتايه ابدا
زى ما هى ولا نص سم زياده
استنيت واستنيت
قلت اجرب بعد ييجى تلت ارباع ساعه تجربه السكينه
لقيت ايه
العجينه زى ماهى وتقيله ولا كانها استوت ولا هى نيه
حاجه كده اشبه بايه
ارميها فين فين
تخبيها فين عشان الناس ما تضحكش عليا
وتبان الفضايح
المهم خلاص الحمد لله رميتها
انا حاولت والله اسيبها فى الفرن شويه لكن لحد امتى مافيش اى بادره انها تترفه او حتى تستوى مجرد عجينه كوتش
انا دلوقتى رجعت عملت كيكه عاديه جدا زى ما اتعودت عليها وتصدقوا ملت الصنيه وارتفعت اوى
قوم ايه
زوقتها ولا همنى ايه هى تورته ولا كيكه
بس كمان الشيكولاته كانت سخنه على الكيكه
اول ما حطيت فوقها الكريم شانتيه بالقمع
لقيت الكريمه سااحت
وبقى شكل التورتايه ايه
ايه
بلاش احسن
هى دلقتى بحالتها دى فى التلاجه
ومش عارفه اطلعا ازاى لما جوزى ييجى اقوله ايه
مراتك حبيبتك
ست بيت خايبه
اهأ اهأ اهأ اهأ
بجد زعلانه كان نفسى اعمله احلى حاجه
لانه يستاهل
أهأ اهأ اهأ مواضيع هذا القسم برعاية
هناء22 هناء22 فتكات نشيطة Fatakat 56341 احلى محافظه – مصر