عاملين ايه؟؟؟
ان شاء الله تكونو بخير كلكم
جايبالكو انهارده ممبار عملتووووووو باديا وحيات عنيا
نبدا بسم الله
المقادير
400 جرام ممبار انا جايبه كيس كدا من السوبر ماركت
كيلو الا ربع ارز
كيلو وربع طماطم
ربطه شبط وكسبره وبقدونس
فلفل اخضر اختياري
2 بصله
بهارات (ملح فلفل اسمر كسبره كمون )واي حاجه تحبي تحطيها تاني
التحضير
نغسل الرز ونصفيه والممبار
ونغسل الخضره ونقطعها بالمقص حتت صغيره انا بقطعها بالمقص بتاع الاكل
نعصر الطماطم ونسبكها وبعدين نقطع البصل حتت صغيره وطماطمايه حتت صغيره برده
ونقلب كوووووووووله مع بعضه
زي خلطه المحشي تقريبا
ونيجي بقي للحشووووووووووووووووووو
واسيبكو مع الصور
دي صوته الخلطه
دي صوره المايه المغليه اللي حنحط فيها الممبار يستوي
المبار وهو مغسول بملح
نبدا نحشي
بسم الله
ودا بعد ما خلصنا الكميه كولها
تقريبا عملو 28 صباع
وممكن كانو يكترو علي فكره يبقو 32 بس انا عملات 5 كبار كدا
نحطهم في المايه المغليه
نلاحظ انهم انكمشو بسرعه وقفلو من الجناب
نغطي عليهم ونسيبهم يستو قد ساعه الاربع كده
وبعد ما استو
نطلعهم في مصفاه ونسيبهم
ونولع علي الزيت
وهووووووووووووب النور قطع: مبتسم-smokingangry:
ولا يهمكو انا فتحت الكشاف وصورت برده بالعند فيهم
وهنا وانا بقلي في الضلمه برده
ويالا بقي احلي طبق ممباااار للي حتقيم
اتفضلووووو
ودا طبقي عشان انا بحبه لونه اغمش شويه مش محروق والله
ودوا باقي الجلاش بتاع امبارح قولت اصوره هو مالوش نفس
/files2.fatakat.com/2015/6/14029435746391.jpg[/IMG]
صوره كمان يا حج جلاش
يارب تكون الحاجات عجبتكو
ادعولي بصلاح الاحوال: مبتسم الدعاء:
وكل سنه وانتم بالف خير وصحه وسعاده
اللهم بلغنا رمضان
رايحه فين
مواضيع هذا القسم برعاية
ام العيال التلاته الحلوين ام العيال التلاته الحلوين images/flowersavatars/avatar0026.jpg فتكات رائعة Fatakat 1111106 القاهرة – مصر