سبحان الله والحمد لله ولا اله الا الله والله اكبر ولا حول ولا قوة الا بالله العلي العظيم
سبحان الله وبحمده سبحان الله العظيم
ربي استغفرك واتوب اليك
رب اغفر وارحم واعفوا وتكرم وتجاوز عما تعلم انك انت الاعز الاكرم
اللهم صل وسلم وبارك علي حبيبب قلبي ونور فؤادي سيدنا محمد صل الله عليه وسلم
كيفكم ياغلي الاحباب
وحشتوني حبيباتي
والله حبيباتي ليا فترة غايبة عنكم ووحشاني قوي صحبتكم
وقلت ادخل اسلم ومش جاية وايدي فاضية
قلت اعملكوا وصفة حلوة للممبار
عارفة ان احلي فتوكات مش مقصرين وعاملينه كتير حلو
اوك
اول حاجة
اول حاجة لو الممبار جيباه ومحتاج نضافه
يبقي عليكي الاول وعلي الملح الخشن
يبقي لازم تغسليه بملح خشن ده بيزيل كل شيء
كمان نزيل كل شيء من علي الممبار بسكين وكاننا بنمشطه
ولما نخلص
يبقي قدامنا حاجة واحده علي شان نحصل علي ممبار نظيف ذو رائحة جميلة
ندعك الممبار بالدقيق
ده بيخلص الممبار من كل الروايح
ويشيل الزفارة
اوك حبيباتي
المكونات
الكمية المتوافرة عندك من الممبار
ارز
عصير طماطم
طماطم كونكاسية او طماطم مقطعة مكعبات
بصل
بقدونس
شبت
زيت او زبده
ملح
فلفل اسود
بهارات
حبهان
ورق لورو
ولو عندك شوفان يبقي اوك
نحضر بقي صلصة الممبار
علي شان نعمل الخلطة الي حنحشي بيها
اول حاجة نشوح البصل في الزيت او الزبده
ولما ندبل البصل ونحمره نضيف عصير الطماطم
ونترك الصلصة تتسبك
وبعد كده نضيف بقي الخلطة اللي هي ارز وطماطم وبصل وشبت وبقدونس
والبهارات
ونقلب الكل في بعض
كده لقي نبتدي نحشي الممبار
ونراعي اننا مش نملا الممبار قوي بالخلطة اوك حبيباتي علي شان مش يزيد حجمه قوي وممكن يفرغ منا علي النار
ونحشي الكمية كلها
في الوقت ده بنكون حاطين ماء يغلي علي النار
ونضيف له الحبهان واللورو وبصله وحبة طماطم
ولازم يغلوا الاول حبيباتي
اوك حتي يقفل معنا الممبار عند دخوله الماء مباشرة
ونتركه بعد الغلي يستوي علي نار هادية
اوك
كده استوي الممبار
ممكن نستغل الشربة الناتجه عنه
في عمل شوربة لسان عصفور
او اي شيء نحبه
كده بقي انتهينا
نحمر بقي الممبار
وناكله بالهنا والشفا
والله طعم وريحة جناااااااااااااااااااااااااااااااان
وده ليكوا بالهنا حبيباتي
يلا بقي في رعاية الله وامنه
اختكم المحبة لكم في الله
انجي وليد
فعلا مش احب اقول قيموا بس والله بياثر فيني كتير لما الاقي اللي يدخل وميردش كمان اللي يدخل ولا يقيم ولو حتي بسيء
شكررررررررررررررررررررررررررررررا
مواضيع هذا القسم برعاية
engy.waleed engy.waleed 638387_11.gif فتكات ست الكل Fatakat 638387 سوهاج – مصر