بسم الله الرحمن الرحيمو الصلاة و السلام علي اشرف المرسلين
السلام عليكن و رحمة الله و بركاته
ملوخيتي النهاردة بالارانب
و اذا ذكرت الارنب ذُكرت الملوخية و العكس صحيح
هناك علاقة وطيدة بين الملوخية و الارانب
و ما ننساش فوائد الملوكية
قصدي الملوخية
انها
تقوّي القلب وتجلي النظر و تضبط مقدار السـُّكـَّر في الدَّم وتكافح هشَاشَة العظام
ندخل بقي علي الطريقة
كفاية رغي
هنجيب ارنوب لذيذ و عسول
و بعد ما ندبحه و نغسله و ننضفه بالملح و الدقيق و الليمون
نعمله شوربة بفصين مستكة و شوية هيل
نكون خطرنا الملوخية لو مفيش عندك مخرطة اصرفي و اعمليها زيي في الخلاط
و الرابط اهو
وداعا لخرط الملوخية مع مراميرو و بالصور و التفصيل الممل
https://fatakat.univanet.com/#1651810
و عموما كل كوب ملوخية بياخد كوب شوربة
و تخلطي الملوخية بالشوربة
و تخلي كام قطعة ارانب في الملوخية
و الباقي
هاتي سمنة بلدي و حمري الارانب فيها
و خليكي كريمة
عشان السمنة دي اللي هتحتفظ بالبهريز و طعم الارانب
و هنعمل فيها طشة الملوخية
و بعد ما تتحمر و تاخد اللون الدهبي الجميل
مكان تحمير الارانب اعملي احلي طشة للملوخية
معلقة كبيرة توم مفروم
معلقة صغير كسبرة ناشفة
مرقة دجاج
و طشي الملوخية
و قدميها مع رز ابيض
او عيش
و سلطة خضرا
و بتنجان بالشطة و التوم و بالف صحة و هنا
و الحلي كان
كمبوت خوخ
و ده الرابط
https://fatakat.univanet.com/#1851881
و في الختام لا اسألكن غير الدعاء
ان يربي لي ربي اولادي
و يجعلهم حجة لي لا حجة علي يوم القيامة
و يجمعني مع زوجي بالفردوس الاعلي
و و السلام عليكن و رحمة الله و بركاته
و رمضان كريم
مواضيع هذا القسم برعاية
مراميرو المصرية مراميرو المصرية 2370_11.gif فتكات ست الكل Fatakat 2370 قلب حبيبي و روحي – منصورية و افتخر