دى بقى يا قمرات طريقتى فى عمل المكرونه فى الفرن
سهله قوى ولذيذه جدا ..
الأول هانسلق المكرونه الأقلام
وبعدين هانجيب فلفل رومى ألوان ومشروم وزيتون أسود وبصله وطماطم مقشره
طبعا كل واحده حسب الكميه اللى هاتعملها .
ونقطعهم صغيرين قوى زى كده
وبعد كده نعصج اللحمه المفرومه ونحطها على جنب
دلوقتى هانشوح البصله المقطعه فى شوية زيت وبعدين نحط الصلصه وشوية ميه وملح وفلفل وزعتر ويادوب تغلى
نحط عليها اللحمه المفرومه ونقلب تقلبتين
وبعدين نحط كل الخضار اللى قطعناه فى الأول ونقلبهم كويس ونشيلهم على جنب .
دلوقتى هانحضر البشاميل او الصلصه البيضا عشان انا بحب أعملها خفيفه شويه .
الأول هانحط شوية زيت او سمن حسب رغبتك
وبعدين ندوب فيهم مكعب ماجى وأول ما يدوب
نحط الدقيق وأول ما يتغطى كله بالسمن نقفل النار
ونحط اللبن ونقلبه لحد الدقيق مايدوب خالص وبعدين نحطه على النار تانى ولو احتاج نخففه بالميه .
وبعدين نفرد شويه بشاميل فى الصينيه ونحط نص المكرونه وبعدين نحط عليها اللحمه ورشة بشاميل
ونحط باقى المكرونه ونحط عليها البشاميل وطبعا زى ماتحبى عايزاه تقيل على الوش او خفيف ..
وممكن كمان ترشى على الوش جبنه موتزاريلا .
ودى بقى بعد ماخرجت من الفرن .
ويارب تعجبكم .
مواضيع هذا القسم برعاية
Princess Strawberry Princess Strawberry 141062_7.gif سوبر فتكات Fatakat 141062 الجيزه – مصر
سبحان الله و بحمده