النهارده ف الغدا يا فتاتيكى عملت كفته وكنت هاعمل مكرونه او رز كارى قولت اعمل مكرونه اخترعتها ف يوم من الايام وطلعت تووووووووووووووووحفه فحبيت اصورها لفتوكاتى حبايبى الواحد بردو ف الصيف بيزهق وبيحب التجديد وهى كلآتى :
نسلق المكرونه كويس يعنى يادوب تتسخن كده ونحطها ف شويه سمنه او زيت كاننا بنعملها عادى وطبعا ملح وفلفل
[IMG]https://files2.fatakat.com/2016/5/13362631774923.jpg[/IMG]
نجيب شويه خضار زى ما تحبى جزر كوسه بطاطس بسله وكمان شويه بصلى مفروم ونعملهم زى السوتيه كده ع نار هاديه ونغطيهم علشان يتسووا بسرعه مش بياخدوا ثوانى ونحط عليهم ملح وفلفل وبهارات لحمه وكارى وجنزبيل ونغطيها ونسيبها تستوى
[IMG]https://files2.fatakat.com/2016/5/13362632752804.jpg[/IMG]
نحمر ملعه دقيق ف شويه سمنه او زيت زى ما تحبى كاننا بنعمل بشاميل كده ونحط تلتين كوبايه لبن ونقلب كويس وبعدين نضيف الباقى مايه علشان مش تبقى تقيله اوى ونحط ملح وفلفل وبهارات و جنزبيل وزعتر وشويه نعنان مفروك ويا سلام لو عندنا خضرا بتاعه المحشى دى بس كانت خلصانه من عندى للاسف
[IMG]https://files2.fatakat.com/2016/5/13362633909871.jpg[/IMG]
وبعدين ع طول لانها عايزنها سايبه مش تقيله زى الباشميل لا خفيفه زى الصوص كده نحط الخضار بتاعى اللى استوى ونقلب
[IMG]https://files2.fatakat.com/2016/5/13362634882508.jpg[/IMG]
وبعدين نغرف المكرونه بقى ونحط الصوص عليها مش باين اوى ف الصوره
[IMG]https://files2.fatakat.com/2016/5/13362635713015.jpg[/IMG]
جوزى بيحبها وبيموت فيها قالى النهارده خمسميت مره تسلم ايدك وممكن بقى تاكى يا اوختشى معاها كفته او بورجر او بانيه او بوفتيك حاجات نواشف كده
================================================== ======================
نيجى بقى للكريب من شويتين كده قولت لجوزى تاكل كريب قالى وماله ياختى علشان هو بيحب كريبى اوى قولت اوريهولكوا بردو
الطريقه وطبعا يا فتوكاتى كلكوا عارفينها نحط مقادر مثلا كوبايه دقلق زيها لبن ولو لقينهاه تقيل اوى نخفف شويه وذره ملح و ذره سكر علشان نعادل انا اصلا بابايا اللى معلمنى اعمله لانه بيحبه اوى وبيموت فيه وانا صغيره لما كان بيعملهولى كنت بقول عليه فطاير بطوط اكيد كلكوا عارفنها كمان بيعملى زلابيه حلوه اوى يلا مش وقته
المهم انا بقى عملت عينه لان جوزى المفروض عامل رجيم ال ايه يعنى فعملت ربع كوبايه بس علشان اعمل كربتين وناكلهم وخلاص ومش يطلب تانى
اهو ربع كوبايه دقلق وربع لبن بس خففته شويه علشان كان تقيل
[IMG]https://files2.fatakat.com/2016/5/13362637478379.jpg[/IMG]
نحط نقه مفعوصه مفعصه زيت علشان بس مش تتلزق ونسكب كده ف الطاسه بعد ما تسخن ونسيبها تستوى بس نراعى انها مش تلزق انا بحب اعملها ف الطاسه الكبيره علشان مش تلزق من الجناب
[IMG]https://files2.fatakat.com/2016/5/13362638889716.jpg[/IMG]
ونسيبها تستوى بقى لغايه اما تبقى بالشكل ده ونحطها ف الطبق
[IMG]https://files2.fatakat.com/2016/5/13362640052887.jpg[/IMG]
وحطيت من نصها كده شيكولاته نوتيلا كدهون
[IMG]https://files2.fatakat.com/2016/5/13362641241261.jpg[/IMG]
وبعدين حطيت فلوتس لانى بحبها اوى و شيكي بون كان جوزى جايبه لبنتى شحت منها شويه وعندى معجون كريمه فراوله وحطيت منه كده
[IMG]https://files2.fatakat.com/2016/5/13362642392080.jpg[/IMG]
وبعدين نتنيها كده او نلفها ساندوتش
[IMG]https://files2.fatakat.com/2016/5/13362643295729.jpg[/IMG]
ممكن بقى ناكلها كمان حادق جوزى قعد يتريق عليا ف يوم وانا عاملاها بجبنه رومى مبشوره وماشروم وكاتش وكانت حلوه والله سيبكوا منه وجربوها
ومعلش طولت عليكوا يا حبايبى بس حبيت افيدكوااا
مواضيع هذا القسم برعاية
omroaya omroaya 628721_4.gif سوبر فتكات Fatakat 628721 tanta – egypt