السلام عليكم ورحمة الله وبركاتة
ازيكم يافتوكات
النهاردة معايا وصفتين طعمهم خيااااااااااال يارب يعجبوكم ياقمراتى
اولا المكرونة بالهوت دوج
المقادير
مكرونة مسلوقة
هوت دوج كميتة حسب رغبتك
عصير طماطم
بصلة متقطعة مكعبات
ملح
فلفل اسود
شريحة جبنة رومى
الطريقة
هنقطع الهوت دوج والبصل
هنصفر البصلة فى شوية زيت وحتة سمنة
هنضيف عليها الطماطم ونسيبها تتسبك شوية
هنضيف عليها الهوت دوج والملح والفلفل والمكرونة ونقلب ونوطى عليها خاااااااالص ونسيبها تستوى
بعد خمس دقايق كدة هنقطع الجبنة الرومى قطع صغيرة ونضيفها على المكرونة ونقلب ونسيبها خمس دقايق كمان وبالهنا والشفا
ثانيا سلطة البطاطس
المقادير
بطاطستين متقطعين مكعبات ومسلوقين
عودين بقدونس
فص توم مهروس
ملح
فلفل اسود
كمون
كسبرة ناشفة
معلقتين كبار مايوكاتشاب(اللى هو المايونيز المخلوط بالكاتشاب)
الطريقة
هنحط المقادير كلها على بعضها ونقلب ونقدمها بجد طعمها خطييييييير وبتتاكل دافية او باردة بس وهى دافية طعمها احلى
ودى المكرونة والبطاطس مع بعض ياريت تجربوهم هيعجبوكم جدددددا ان شاء الله
https://content.sweetim.com/tbsig/sig.asp?img=ad1
مواضيع هذا القسم برعاية
دودى وبسسس دودى وبسسس images/flowersavatars/avatar0020.gif عضوة فى ذمة الله Fatakat 309416 المنصورة – مصر