مساء النور والبهجة والسرور انهاردة جيت افرجكم مكرونتي بالباشميل طبعا كلنا او اغلبنا بنعرف نعملها بس انا عملت فيها شوية تكات من اللي بسمعهم من الشيفات ويارب تعجبكم اولا سلق المكرونة اول ما المية تغلي وطبعا فيها ملح بنزل المكرونة غلوتين واقفل عليها واغطيها في المية السخنة دة بيخليها تتسلق اسرع بكتير وبعدين صفيها ومتشطفيهاش ثانيا العصاج شوية زيت في الطاسة وتحطي البصلة متقطعة صغير عليها رشة ملح وفلفل اول ما تبقي شفافة كدة حطي اللحمة المفرومة وعليها رشة قرفة وجنزبيل ونقطتين خل وشوحيها لحد ما تستوي وملحيها بقي في الاخر عشان متكلكعش منك وتبقي مفرولة كدة وحلوة الباشاميل لكل كوب لبن معلقة دقيق كبيرة ومعلقة سمن كبيرة حتحطي الدقيق فالسمنة يدوب يسخن تنزلي باللبن بارد وقلبي بمضرب السلك ضيفي الملح والفلفل وقطعتين كيري بتخلية وهمي الطريقة بقي حتدهني الصينية سمنة وحطي فيها بشاميل في قعرها وبعدين تكوني مقلبة معلقتين بشاميل عالمكرونة المسلوقة وتضيفي نص الكمية في الصينية وفوقيها العصاج وفوقيها الطبقة التانية من المكرونة حيبقي عندك طبقة البشاميل الاخيرة حتكون بردت شوية تفقشي عليها بيصة وقلبي كويس بمضرب السلك وضيفيها علي وش الصينية بيخليها لونها تحفة ومفيهاش اي اثر لطعم البيض لانك مقلباه مع البشاميل وفي الفرن تحت الشواية لحد ما تحمر وبالف هنا يارب تعجبكم مواضيع هذا القسم برعاية منورة بيتى منورة بيتى 874625_5.gif فتكات ست الكل Fatakat 874625 alexandria – egypt
مواضيع هذا القسم برعاية