السلام عليكم
نظام غذائي لدكتور اخصائي تغذيه وصحه عامه
ميه ميه
لو عايزه تتخني
هتاكلي خمس حاجات باي كميه بس تلتزمي كل يوم لازم تاخديهم كلهم
1- كوباية لبن بالكاكاو متحليه بعسل ابيض .. بعد الفطار
2- مكسرات والافضل بندق او سوداني محمص بين الوجبات
3- عسل اسود بالطحينه او حلبه معقوده كتحليه بعد الاكل
4- كوباية عصير فريش
5- سجق او سويس محمر او كبده محمره على العشا او الفطار
بالاضافه للاكل العادي
دول اساسي كل يوم باي كميه حتى لو كميه قليله في الاول وبدون ما تضغطي على نفسك
في الاول صعب ولكن بعد كده هتلاقي شهيتك بدأت تتفتح وبتاكلي بكميات اكبر لوحدك
فيه كمان في الصيدليات الكبيره .. مكمل غذائي او بروتين هو بيبقى مشروب بتدوبي معلقه منه في اللبن او العصير وتاخدي منه كل يوم
هتمشي على النظام ده شهر .. وبعدين هتبدئي تغيري الحاجات اللي تمشي عليها كل يوم
بعد الفطار .. حتة حلاوة بالقشطه او مع كوباية حليب
على الغذا .. بطاطس محمره + لحمه أو فراخ محمره
على العشا .. تمر باللبن
بين الوجبات عصير
بالاضافه لاي اكل تاني تحبيه
نصايح عامه
اتعشي ولو حتى نص رغيف فينو وتنامي على طول هتقومي الصبح جعانه وهتفطري
الفطار برضه مهم جدا ولو حاجه بسيطه علشان شهيتك تتفتح طول اليوم
اول ما تصحي اشربي مشروب دافي زي الينسون يهدي المعده وبعد شويه هتبقي عايزه تفطري
العصاير وخاصة عصير برتقال متحلي بين الوجبات بتفتح الشهيه
زياره يوميه لقسم الطبخ علشان تحضري اكلك بنفسك على مزاجك وبالاضافات اللي تحبيها
كتري الوجبات اللي فيها كل العناصر(بروتين ونشويات وخضار) في صنف واحد
اهتمي بالمقبلات والمخللات ومية السلطه .. مع الاكل
ابعدي عن الاكلات الدسمه على معده فاضيه .. لانها بتسبب اضطراب في الهضم .. وبالتالي مش هتقدري تكملي النظام
بلاش توزني نفسك كل شويه لان كل حاجه بتاخد وقت .. علشان ما تحبطيش وتكسلي
يارب اكون افدتكن واسألكن الدعاء بصلاح حالي وتيسير امري عاجل غير اجل
واني احافظ على وزني لا اطخن ولا اخس
السلااااااااااام عليكم
مرسم مرسم 138950_1.gif فتكات ست الكل Fatakat 138950 الاسكندريه – مصر