انا بجد زعلانه جدا ومش عرفه اعمل ايه عشان ارضي اللي حواليا مع اني بعد تجربتب دي انا تاكدت ان الناس مابيملاش عنيهم الا التراب انا زمان لما كنت تخينه كان وزني حوالي 85 كيلو كل اللي حواليا يقولولي ايه ده انتي تخنتي خااالص وشكلك بقي اكبر من سنك واللي يقولي لاااااااا ده انتي اتخن مني واللي يقولي انتي بقيتي تلبسي كام اكس دلوقتي وناس تحرق دمي لما اشتري حاجه وتقولي هو هيخش فيكي انا اساسا طولي 165سم يعني مش كان باين عليا التخن اوي وغير كده انا كنت طول عمري رفيعه يعني كان وزني بكتيييييره وانا بنت حوالي 62 كيلو انا متخنتش الا بعد ما اتجوزت واخدت منشطات الزباله دي عشان الحمل وتخيلوا ان انا بسبب حرق الدم ده اللي من بره البيت ومن جواه طبعا(جوزي)قررت اني اخس لان جوزي كان بيناديلي بالفيل ولما اقوله انت ليه مش عايزني ارقصلك زي ما اي راجل بيطلب من مراته يقولي ايه تخيلوهو فيه فيل بيرقص هههههههههههه
ولما قررت اني اخس وفعلا خسيت جدا انا بقيت حوالي 65 كيلو يعني رجعت لوزني الاصلي كل الناس تقولي لاااااااااا ده انتي لما كنتي تخينه كنتي احلي بكتييييير لا انتي لازم تتخني شويه انتي بقي شكلك مش حلو وانا اصلا الحمد لله كل اللي حواليا بيقولوا اني جميله من قبل مااتخن اصلا وانا اصحابي وكل الناس اللي حواليا الحمد لله بيشهدولي اني جميله بفضل الله وغير كده انا رجعت لشكلي الاول انا مثلا امبارح كنت رايحه اجيب بنطلونات جينز عشان بتوعي بقوا واسعين جدا كل اللي يشوف البنطلونات بيضحك عليا ويقولي ايه ده دول بتوع رانسي ولا ايه علي بنتي اللي عندها سنه وفعلا انا جايبه اخر مقاس في الاطفالي بس مش لدرجه التريقه يعني انا بقي مقاسي 34 يعني مش صغير قوي زي ما بيتريقوا حتي جوزي يقولي ماتخسيش بقي كفايه كده انتي كده هتبقي مريضه وهما مش واخدين بالهم ان ده وزني المثالي وانا كنت عايشه كده طول حياتي واللي يقولي حرام عليكي الكله متشاله علي دهون لازم تتخني ياريت تقولولي اعمل ايه انا بقيت محبطه وحسيت ان الناس دي كلها ماحدش ياخد بكلامهم انا مقتنعه بنفسي دلوقتي جدا بس بردو اي حد مكاني هتتهز ثقته بنفسه لان انتوا ماتتخيلوش كميه الكلام اللي بيتقالي لما بنزل من بيتي انا كرهت الخروج واللي بيشوفني يروح يسال اخواتي ويقولهم هي مامه يوسف تعبانه طب اعمل ايه انا لسه صغيره انا عندي 23 سنه عايزني اعيش حياتي وانا تخينه ومقدرش اعمل شغلتين علي بعض قولولي ارد ع الناس دي واقولها ايه لما يحرقوا دمي كده
مامه يوسف ورانسي مامه يوسف ورانسي 64394_2.gif فتكات متميزة Fatakat 64394 قلب زوجي – مصر
سبحان الله و بحمده