حبيباتى ياريت ترددو هذا الذكر الان 10 مرات فهما
كلمتان خفيفتان على اللسان ثقيلتان فى الميزان
حبيبتان الى الرحمن كما قال حبيبنا محمد
صلى الله عليه وسلم
{سبحان الله وبحمده سبحان الله العظيم}
رجعت لكم حبيباتى بعد موضوعى الاخير اللى محدش رد على فيه ولاعبرنى
بس مش مهم اتعودت على كده خلاص اليوم جايبه لكم تجربتى مع القهوه العربى المره
بدات الحكايه لما بدات اتعرف على سعوديات جيرانى وبعدين لقيت القهوه دى من اساسيات حياتهم زى الميه عندنا كده ههههههه وبقيت اشربها عندهم بس
عادى مش بشتريها ولا بعملها فبقول لجوزى مره
هما ليه مش بيتخنو زينا مع ان اكلهم فظييييييييع
قالى من شربهم القهوه بتدوب الدهون
فسالت كذا واحده عن فايدتها للدهون قالت
لاشربها عاده مش اكتر فبقول
لزوجى بيقولو لا قالى اساليهم
بياكلو ايه وانتى تعرفى انها بتخسس
سالتهم عن الاكل لقيت العشا
فراخ اولحمه مع الكبسه طبعا الغذا
كذلك وفى رمضان السحور والفطار
كذلك واللحم بتاعهم لحم غنم
وسمين وبيبقى مليان دهن بالذات فى العزايم
والله مره كان عندجارتى عزيمه وكلت معرفتش انام وشربت بيبسى وكانت صعبه اوووى بس لما بقيت اشرب
القهوه وراها زيهم عادى مش بحس بحاجه
وكمان بين الغدا والعشاء بيبسى وشيبسى وطلبات اد كده من البقاله وممكن يطلبو من المطعم شاورمه او كنتاكى ويكونو لسه متغديين قلت ادخل على النت اشوف وفعلالقيت لها مميزات كتيييييييييير
فبدات اجيبها وبدات اتعود عليها هى فى البدايه مش حلوه ومره وبتسهر جامد بس
بدات اعمل نصف كوب ميه فقط وازود شويه شويه والنتيجه اييييييييييييه
كل اصحابى السعوديات انبهرو وكل مايشوفونى لحد
انهارده والله يقولو لى خسيتى مرررررررررررره
اقول لهم من القهوه بتاعتكم يستغربو جدا ويقولو
اول مره نعرف انها بتخسس انا بقى
جيت من مصر عرفتهم
والله اللى انا اعرفهم ماشاء الله اللهم بارك
عندهم 5 و6 و7 اطفال واولادهم فى ثانوى وماشاء
الله اجسامهم فظييييييييييعه منهم واحده
6ابناء ماشاء الله وبنتها 14سنه وزنها 65كيلو
لو كانت القطه فى مصر كانت من تانى عيل عدت ال90
والرابع خلااااااااااااااااااص 120 وانتى طالعه ههههه
والله افادتنى جداااااااااا وبدون حرمان من اى شىئ
اطلاااااااااااااااقا
حتى اخواتى وماما لما نزلت اجازه قالولى
جسمك رجع زى ماكنتى بنت
مع ان معايا ولدين بس الحمد لله ربنا كرمنى والله
بالموضوع ده وقلت لازم افيدكم
بس انا كمان لما لقيت جوزى مبسوط
وجسمى بقى حلو قلت اجرب نظام ال3ساعات
اللى موجود هنا فىالقسم والله رااااااااااااائع
فعلا نظام حياه بجد انامش
ملتزمه بالكميات لانى خسيت خلاص ولله الحمد
بس النظام نفسه ماشيه عليه
فكرته كالاتى
ان الجسم بيقعد يحرق الدهون ويتوقف كل 3ساعات
وبكده لازم تشحنيه تانى علشان يبدا يحرق مره تانيه
فانا بفطر شاى بلبن او قطعه كيك ومش بحب اكل بصراحه طول عمرى كده ومش عارفه اتغير والغدا بعد 3ساعات
لو عامله عصير او حلا او بيبسى مش بشرب
بعد الاكل بعد 3ساعات والعشاء بعد 3ساعات وقبل مانام
باكل تمره او عصير او كوب لبن طبعا بيكون مر 3ساعات
وبكده كلت وشربت كل اللى كنت هاكله بس نظمت الوقت وفعلا النظام ده نفع معايا وحلو جزاها الله خيرا
الفتوكه اللى كانت عملاه وكمان راقبت نفسى
فى العشاء اصلى كنت بقول انا بتخن من القعده فى الغربه ومش من الاكل لقيت نفسى باكل بلا وعى لحد مااشبع قلت لالالالا انا لازم احدد وبقيت باخد
رغيف فقط والرغيف هنا حزيييييييين رفيع اوى
وخفيف ميشبعش عيل هههه كنت بقوم دايخه وجعانه
مره فى مره والله بقيت اشبع قللت لرغيف الا ربع
وبعدين نصف والله جميل الاحساس ده
بس لما خسيت وزوجى قالى مش
هاجيب لك قهوه انتى هاتروحى فين بعد كده
رجعت للرغيف تانى سواء غدا او
عشاء ودايما ماتحطيش كيس العيش جمبك
وكل ماتخلصى رغيف تسحبى من الكيس
لا حطى الرغيف على رجلك علشان تبقى عارفه ان
ده هو اللى هاتاكليه فقطططططط
ودايما قومى من غير ماتملى بطنك لانك بعد 3
ساعات هاتاكلى تانى احيانا يكون الاكل حلو واقول لنفسى بعد 3 ساعات اكمل بكون شبعت
اشربى قبل الاكل كوب ماء حلو وبيملى بطنك شويه
وده حل جمييييييييييل للى بيخسو ويتركو الريجيم
ويرجعو يستردو مافقدوه من وزن بالنظام
ده هاتحافظى على وزنك ورشاقتك باذن الله
ارجع تانى للقهوه انا رغايه بس والله عاوزه افيدكم زى
مابستفاد منكم وعاوزاكم تعرفو حاجه
القهوه العربى تختلف عن القهوه التركى اللى احنا نعرفها فى مصر تمااااااااما يعنى انتى لو اكلتيها بودره
مش هاتحسى بطعم البن المعروف لدينا ومش لها وش بالنسبه للكافيين اللى كتير
هايخافو منه الكافيين يابنات مش مضر تماما
زيه زى اى ماده لا افراط ولا تفريط يعنى
تناول من كوب الى 3اكواب من
القهوه العربى والكوب 150 مل سيمد الجسم بكميه
من الكافيين تساعده فى التركيز ومقاومه النعاس ووضوح الافكار وفعلا ده بيحصل معايا والله بس فى الاول كانت
بتسهرنى وبتسهر ابنى لانه كان بيرضع بالتعود خلاص
الفكره ايييييييييييييييه
الفكره في أن مادة الكافيين من المواد المدر للبول ، لذا تعمل علي تجفيف المسافات بين الخلايا الدهنية ، وتختفي معها مظهر الشحوم المزعجة
واذابتها وطبعا هى فوائدها كبيرررررره اذا شربت بمعدل
طبيعى بس هنا بصراحه بيستهبلو فى شربها
الصبح والظهر والعصر والمغرب وقبل النوم وطبعا مش
فنجان لالالا ترمس
طريقتها
انا بعمل 2كوب مايه على معلقتين طعام بن
ولما يغلو اتركيهم 10دقايق واطفى وسيهم يهدو علشان
الرواسب تنزل وحطيهم فى الترمس بتكونى مجهزه
شويه حبهان مطحون ومتطحنيش كتير علشان ريحته
بتروح وحطى نصف معلقه صغيره ومعلقه محسن قهوه هاوريكم صورته تحت وصبى القهوه وخلاص كده
انا جربت انواع كتير طبعا كل بيت هنا له نوعه اللى
بيحبه وبيشربه فذقت اكتر من نوع
1 القهوه الملكيه حلوه بس غاليه الكيلو ب70ريال
2القهوه البريه او الهررى جوزى مرضاش يقول هررى ابدا
للعطار الكيلو ب 40ريال
3قهوه الشيوخ ودى اللى مستمره عليها دلوقتى جميله
ومذاقها حلو اووووى الكيلو ب35
ومش تشترى كيلو ممكن تشترى نصف او ب10ريال عادى
وبكرر تانى انها اذواق وانا حبتها وكتير هنا اتعودو عليها
اخدتها مصر كتير رفضوها وكتير حبوها علشان
محدش يجى يدعى على
طبعا لو اشترتيها حب بتبقى ارخص ب25الكيلو بس متعبه
واكيد نكهتها عاليه بالضبط زى الفلفل الاسمر وغيره الحب
والمطحون جاهز ولها جهاز خاص بتحميصها ويشبه
صانعه البيتزا وتطحنيها فى الكبه بس انا جربتها كده مره
وبعدين العطار تحت عمارتى وماشاء الله الطلب كتير بجيب ب10 ريال وبتبقى طازه وحلوه
وفى دراسه امريكيه على اشخاص بيعانو من بدانه
مفرطه وتناولو حبوب القهوه بدون
تحميص وتخلصو من 11فى الميه من وزنهم بس انا مش
بعمل كده انا بطحنها واشربها
هى طبعا مفيده كمضاد للاكسده وللصداع النصفى
ولتصلب الشرايين وللسكر لانها مره
وكتييييييييييييير فوايدها بس انا ركزت
على اللى يخص القسم هنا وهو الرشاقه
انا هانزل لكم شويه صور ليها
وده لونها غير المصرى خالص ومفيش وش
لانها هاتغلى كتيرولاسكر
وياسلام بقى فى الحديقه مع كيكه شيكولاته
اشمعنى هما يعنى ههههههه
الصور الجايه دى نسيت اصب لكم
بس علشان الرجيم والمحرومين قلت لازم اجوعهم
دى عبايه جارتى مستنيه التصوير يخلص علشان تاكل
شموخ إمراة شموخ إمراة سوبر فتكات Fatakat 680748 الرياض – المملكة السعودية