حبيباتى الفتوكاات ……….
الحقيقة أنا شفت طرق كتير اوى على منتدانا الجميييييييل بتتكلم عن قرمشة البطاطس والحقيقة بردو أننا بناخد الطرق من بعض حتى لو مش مظبوطة اوى ونجرب ….
عشان كده انا حابه اتكلم عن الخطوات الخاظئة الكل الفتوكات بيقعوا فيها وكمان نكتب الخطوات الصحيحة عشان ناخد نتيجة جيدة مرضية :
1 – نتأكد عند الشراء ان البطاطس دى للتحمير يعنى الرتبة بتاعتها خاصة للقلى عشان فى رتب تانية للطبخ أو البيوريه ذى ماحنا عارفين
2 – نغسل البطاطس كويس قبل التقشير بليفة غسيل الخضروات والليفة دى مخصوص لغسيل البطاطا والخيار وكل كل الخضار وياريت متستعمليهاش غير لغسل الخضار بس.
3 – نقشر البطاطس بتاعتنا بالصور المطلوبة سواء كانت اصابع أو شيبسى للتحمير.
4 – لا تغسل البطاطس بعد التقشير ( بتاتا ) لأننا لما بنغسلها بعد التقشير بنفقد منها الجزء النشوى ( الكربوهيدرات ) فى الحبة وبالتالى بنفقد قرمشتها الطبيعية ودى عايزة شرح ….
يعن النشا الموجود طبيعى فى حبة البطاطس هو السبب الرئيسى لقرمشتها ومش الخل ولا الملح ولا الكلام ده ….. لأن الاضافات دى بتخلى السوائل الموجود داخل حبة البطاطس تخرج منها وبالتالى تنشف وتجف ( يعنى مش بتقرمش ) ذى ما كلنا فاكرين خااااالص هى بتنشف . ولان الشطف بعد التقطيع بيفقد الحبة حاجات كتير اوى من مكوناتها الرئيسية ذى الكالسيوم ال بيمثل 8% منها والمسئول عن العظام والاسنان من حبة البطاطس والماغنسيوم ال بيمثل 25% والمسئول عن الجهاز العصبى وعضلة القلب وغيرهم وغيرهم من الفيتامينات والاملاح المفيدة لاولادنا .
5 – بعد التقطيع ممكن تعطيها النكهات المحببة ليكى ذى معلقة خل او معلقة ملح
6 – راعى دايما ان زيت البطاطس يكون ساخن مش فاتر
7 – بعد حوالى ربع ساعه بطلعيها ( يعنى نصف قلية ) وتصفيها من الزيت الخفيف الموجود لان الزيت لو سخن هتلاقيها مخدتش زيت جواها .
8 – تحطيها فى الفريزر ووقت ما تحتجيها ياريت لما تخرجيها متديهاش فرصة تسيح ….. بردو تتحط بثلجها فى الزيت .
وان شاء الله النتيجة مضمونة ومرضية مواضيع هذا القسم برعاية
طبق الهنا طبق الهنا 95025_2.gif ممنوعة من المشاركة Fatakat 95025 القاهرة – مصر