السلام عليكم ورحمه الله وبركاته
ازيكم يا قمرات يارب تكونو دوما بالف خير
موضوع اليوم معجنات الجبنه
وقبل ما ابتدي فيها احب اقولكم ان دي الطريقه الاظبط اللي باكلها من بره
كل مره باعملها بحس لاء مش هيه ناقص حاجه
وجربت مرارا وتكرارا
وحاسه انه فيه حاجه مش مظبوطه
الحاجه طلعت ايه بقا
انه لا بكتر المكونات ولا المبالغه اطلاقا
ولا بيض ولا لبن ولا حاجه من دي خالص
برده احساسي كان بيقولي انه مش هايخدمو معجتات بره ابدا بحليب بودر ولا زبده
القصه طلعت عجن وخطوات
انا زي ماقلتلكم جربت كتير ولكن والله العظيم اول مره احس اني انتصرت علي نفسي فيها وكل اللي اكلو منها قالو شبه القطن من كتر نعومتها وجمالها
واضيف الي ذلك اني احترت بالموضوع ده اوديه اي قسم وبصراحه
،، حوريه زانون ،، موسوعه عجن لا يستهان بها ابدا
بتدي دروس وهي بتعجن فعلا
واقترح عمل قسم لها منفرد
المقادير هيه عملت نص ك دقيق
انا دوست وضاعفت المقدار احساسي كان بيقولي هاتطلع هيه
كيلو دقيق 6 كوبايات
كوب الا ربع زيت
مقسوم ل ربع وقت العجن وباقي الكوبايه اثناء التخمير ،،نقطه مهمه جدا ،،
معلقه كبيره سكر
ملعقه كبيره ملح
2 ملعقه كبيره خميره فوريه
الميه اعملي حسابك من كوب ونص لغايه ما العجينه تلم في ايدك
وده حسب الدقيق هيه قالت مقدار الميه 300 مل
وبعد ما وزنت حولت كله بالكوبايه علشان خاطركم والله
بس اخدت مني ميه عن ما قالت هيه حسب الدقيق زي ما قلنا
ندخل علي الصور
ونقول بسم الله
الدقيق مع المواد الجافه
والزيت مقسم علي مرحلتييييين دي مهمه زي ما قلنا في الاول
ربع كوبايه وقت العجن
بعد كده هاشتغل
ونقطه تانيه مهمه العجن لا يقل عن عشر دقايق بالعجان ربع ساعه علي ايدك لو مفيش عجان لازم تتعجن كويس جدا
والميه بنضيفها واحداه واحده
وده شكلها بعد ما خلصت
وهارجع اضيف باقي الزيت
طبعا منخفش من الزيت ده خالص هو مش كتير اصلا والعجينه هاتشربه وقت التخمير
وده ما شاء الله بعد ما خمرت
وحسب حراره الجو عندك هايكون التخمير ممكن تاخد في البرد ده ساعه
ولتسريع عمليه التخمير بحطها في الفرن ومعاها اي حاجه فيها ميه سخنه ده بيساعد كتير
وبعد كده كنت جهزت حشوتتين
جبنه وزيتون وفلفل نعناع وحطيت كمان قريش كل الجبن كانت روعه
ولبنه وزعتر
وبعد كده شكلي زي ما تحبي
اخدت جزء منها فردته وشكلته
وملحوظه تانيه الخبز بيكون علي دقيق ولا اي مواد دهنيه خالص
ولا تخمر تاني هيه بتخمر في ايديكي
وكملت الباقي ميني بيتزا حقيقي روعه بجد لازم تجربوها يا بنات
حاجه مهمه تانيه وقت الخبز مجرد ما بتاخد لون من تحت افتحيلها الشوايه لانها بتتحول مع الخبز الكتير ل استك وهاتشد
ودي لما خرجت
دي صنيه الموزاريلا بس ليها زبونها هههههههههه
وبصو من تحت اللون جميل ما شاء الله
وده كله بقا بعد ما خرج بفضل الله
ودي كمان
،،،،،،،،،،،،،،،،،،،
انا بس دهنت معجنات اللبنه كاتشاب خفيف علشان السماق يلزق عليها وممكن كمان سمسم او حبه البركه
ومن جوه هشه جدا وطريه جدا
وكنت كمان حشيت شيدر سك ساده خالص
انا كده بفضل الله خلصت
ومننساشرحاجتين مهمين الزيت مقسوم جزء مع العجينه وجزء وقت التخمير
اثناء الخبز وقت ما تحمر نفتلحها الشوايه
المره القادمه ان شاء الله خبز البريوش
متنسوش التقييم يا حلوييين لو عجبكم الموضوع
،،رب اني لما انزلت الي من خير فقير ،، مواضيع هذا القسم برعاية
haneen_75 haneen_75 90893_1.gif فتكات ست الكل Fatakat 90893 جده – المملكه العربيه السعوديه