سلام عليكم ورحمة الله وبركاته
أزيكم ياجماعة معلش هااطول عليكوا بس يارب حد يساعدنى
انا متجوزة من سنة ونص الحمد لله حملت بعد مااتجوزت بشهرين بعد الشهر الاولانى من الحمل بدأ ينزل عليه دم روحت للدكتورة كتبت لى مثبت حقن وحبوب وقالت لى ارقدى على ضهرك وماتتحركيش طبعا عملت كده والحمد لله الدم مابقاش ينزل بس فى اول اسبوع من التالت لقيت دم شبه البريود ووجع شديد فى بطنى وضهرى روحت الدكتورة قالت لى ان الجنين مش فيه نبض وراكن فى الرحم وهاننزله اديتنى اقراص تنزله مانزلش وتعبت قوى روحت لها تانى عملتى لى تنضيف ونزلته بعدها بكام شهر حصل حمل تانى كنت باخد مثبت واسبوسيد وبرضه نزل فى اول اسبوع فى التالت عملت تحاليل توكسوبلازما اللى بيسموه فيروس القطط طلع سالب وسيتوميجالو فيرس طلع IGM سالب وIGG موجب ده معناه ان كان عندى اصابة قديمة وتحليل اسمه ppt بتاع تجلط الدم طلع 29 الدكتورة كتبت لى علاج للفيرس وخلاص
جوزى سافر بعدها على طول فبصراحة ماروحتش ليها تانى لانى كنت تعبت من كتر اخد العلاج والمنشطات ونفسيتى كانت تعبت
النهارده كنت بتكلم مع دكتورة تحاليل اعرفها قالت لى ان تحليل السيتو ميجالو فيرس ده معناه انى عندى مناعة وده مش السبب بس انا قريت قبل كده انه ممكن الفيرس يكون خامل ويحصل له نشاط اثناء الحمل ياريت لو واحدة حصل لها كده زى تفيدنى عملت ايه ولو حد يعرف دكتور فى طنطا كويس الحالات دى تقولى عليه معلش بقى ماليش غيركم
dr_ziza dr_ziza 307951_1.gif فتكات متميزة Fatakat 307951 قلب زوجى – مصر
سبحان الله و بحمده