صباح الخير عليكم يا احلي منتدي
مشكلتي انا عملت نظارة طبية الي هي عدسات بلاستيك بدون اطار الي اسمها
فريم ليس
كل ما اعملها تطلع مش مظبوطة انا بلبس نظارة عادية مش فريملس مريحاني جدااا
اخدت نفس الكشف ورحت لنفس الراجل عملي الفريملس فيها درجة زغللة ولما رحت اكشف عليها عند الدكتور قالي مظبوطة جدا
وهي هي نفس النظارة بتاعتي ونفس الدرجات بس مجرد اني بغير من زجاج لبلاستيك
الموضوع دة بقالي فية سناتييييييييييين وصرفت مبالغ كبيرة جدا كل فترة اجيب شنبر فيرملس جديد واروح لمحل نظارات غير التاني يعملها تطلع فيها زغللة وافضل معاة كام شهر بين الدكتور وهو ومصاريف وتظبيط وبالاخر اركنها
دكتور قالي يمكن الفريملس بتكون واخدة شكل بومبية شوية بالشنبر هو الي بيغير الدرجات خليت الراجل عملها معدولة شوية ونفس المشكلة
وكل محل يقولي التاني ضحك عليكي وعملك مركز النظر مهزوز وياخدها ويعمل غيرها ونفس المشكلة
لدرجة اني رحت للدكتور قلتلة هو انا مينفعنيش فريملس قالي ينفعك جدا لكن العيب من الي بيعملها
قالي روحي للمغربي وبصراحة من كتر المصاريف مبقاش عندي امل ان المغربي هيعملها كويس واصرف عليها حدود 300 جنية وبالمحلات بتتعمل ب 80
يا ريت لو واحدة من الاخوات من القاهره وعملت عدسات فريملس بلاستيك عند محل وعملها مظبوطة تعطينية عنوانة والتليفون وتقولي عملت العدسات بس بكام
ولو مفيش احراج تعرفني درجة النظر علشان بتختلف بالسعر
انا درجاتي كبيرة طول نظر موجب 6 و 5 دي بتتعمل ب 80 الي 100 جنية
ميرسي يا حبايبي
حكاية فراشة حكاية فراشة فتكات جديدة Fatakat 314751 القاهره – مصر
سبحان الله و بحمده