ازيكم يافتوكات يارب تكونو بخير كلكم ويارب مصر ترجع هاديه وكويسه زي الاول واحسن ونشوف وطنا العربي كله في احسن شأن اللهم ااااااااااامين
احب اقدك ليكم اطباقي اللي شاركت فيها في المسابقه ويارب تنول اعجابكم انا عملت جمبري ورز بالجمبري وسمك بلطي مقلي وصينيه سردين بس بقولكم ايه يابنات والله انا بزعل جدااااااااااااااااااا من الناس اللي بتدخل ووتخرج ولا حس ولا خبر دوللان الواحد بيتعب في الموضوع وتنزيل الصور والرد مش هيتعبكم بالعكس هيفرحني وردوا حتي من باب الكلمه الطيبه صدقه
نبدأ بسم الله اوريكم في الاول شكل الاكل في النهايه عشان تتشجعو تقروا موضوعي
نبتدي بالجمبري طبعا غسلته تمام وجبت 3 بلات قطعتهم جوانح وراس توم فصصتها وغسلتها حلو و3 ليمونات عصرتهم وحطيت قشرهم برده وفلفل حامي وكمون كتير وفلفل اسمر وملح وحطيت عليهم حوالي 3 كوبايات مايه ومنها سقيت الارز وطلعت شوربه كمان
وهنا بعد ما قطعت كله حاجه وحطتهم علي النار
وده شكل بعد ما استوي
نيجي بقي لارز بالجمبري ببشر بصلايه وطماطايه واقطع فلفل مكعبات واكون شايه حوالي 10 جمبريات اقطعهم مكعبات واتبلهم مع كام فص توم وعصير نص ليمونه وسنه كمون
دي صوره للمقادير
وهنا البصل علي النار ولما يدبل بحط الفلفل يدبل احط الطماطم وف الاخر خالص الجمبري اسيبه كام ثانيه بالعدد
ودي شكل كل حاجه بعد ما ستوت مع بعضها
بحط الارز علي النار وبعد ما صوته يشخشخ كده اسقيه بالمرقه اللي طلعت من سوا الجمبري واحط عليه الخلطه اللي عملتها بتاع البصل والفلفل
وده شكل الارز في الاخر
مواضيع هذا القسم برعاية
اولادي هما حياتي اولادي هما حياتي 539420_2.gif سوبر فتكات Fatakat 539420 القاهرة – جمهورية مصر العربية
سبحان الله و بحمده