ده موضوعي ومشاركتي في عيد الام واشتركت في المشاوي بالذات لاني الحمد لله مبقتش اعترف بمشاوي الحاتي
ويمكن الصور النهائيه ل اطباقي ظلمتها شويه بالتصوير بس هاتعجبكم ان شاء الله
وبشكر كل اللي ادوني اصواتهم في المسابقه وبجد اليوم ده تعبت جداااااااااا كفايه الفحم المسابقه من اولها ل اخرها ع الفحم
وان شاء الله الموضوع ده هايكون مرجع ل اي فتوكه حبت تعمل شوي او تتبل لحوم
اتفضلو يلا وصلو علي الحبيب الاول
النهارده هاشترك في مسابقه لعيد الام ومش مهم نوع الاكل ايه المهم حاجه اهادي بيها امي الحبيبه خصوصا لو انا مش معاها وبقولها من خلال موضوعي المتواضع ده انتي وحشتيني اوي اوي اوي يا ماما وياريتني كنت معاكي بس متعوضه ان شاء الرحمن
وانا اشتركت بأكلتك المفضله المشاوي والسلطه ويارب يا حبيبتي تعجبك
وبشكر المشرفه الجميله mero_sh انها انتظرتيني لغايه ما خلص الموضوع وجعله الله في ميزان حساناتك ان شاء الله
وبهذه المناسبه السعيده حيوا معي جيل الستينات والسبعينات جييييل كتاب امل وعمر تحيه جامده جدا
هههههههههه اظن افتكرتوه والله احلي ايام
طيب مش هاطول عليكم ونقول بسم الله انا عملت ايه
تبلت فرخه كامله
ريش
شيش طاووق
كباب
كفته
السلطات
سلطه طحينه
سلطه خضرا
علي نازك
علي نازك مش نازكه بتاعت منين بيجي الشجن وكده يعني وماله برده ف الاخر علي اتجوز بنت نازكه
اكلتها في مطعم تركي وعجبتني وتنفع عزومات او حتي جمب الوجبات هاتعجبكم ان شاء الله
نبتدي نشتغل وتتبيل لا يقل عن ييييييوم لازم لا يقل عن ذلك
دي الحاجه اهي لما جبتها وعلي فكره احنا بنشوي علطول بس كنت بشتري جاهز من السوبر ماركت ولما بقا ابتديت اخد بالي ان كل حاجه ليها تتبيله وصلت الحمد لله ل الطعم والنتيجه هاتكون مرضيه ليكم ان شاء الله واهم شئ عدم المبالغه
التتبيل بقا كان توم بصل عصير بصل صلصه ممكن صلصه مشاوي مدخنه ويمكن الاستغناء عنها زبادي صويا ليمون ملح فلفل جوزه الطيب عسل
ونسيت اقولكم خل ابيض او خل تفاح
هاتبل الكفته هابشر بصله كبيره هاعصرها اخد الميه ل الكباب وبشر البصل ل الكفته وهاتبلها بملح وفلفل وجوزه الطيب وبهارات لو حابه وفص توم
الريش عسل وميه بصل ملح فلفل خل انا استعملت تفاح وصلصه
الكباب ميه بصل صلصه زيت خل ملح فلفل بهارات واهم شئ الصلصه حتي لو كاتش
ب بصراحه مستحملتش هيه لفتينع السيخ وكانت بتدوب
الفراخ صلصه مشاوي توم ميه بصل صويا خل ليمون دبس رمان زيت كل التتبيلات عليها زيت ماعدا الكفته
شيش طاووق زبادي توم صلصه مشاوي ملح شطه نسيت بقا احط زعفران بودر او اي لون بس مشي الحال
بعد كده علب علب علب وع التلاجه وفكره العلب حلوه جدا علشان المكان ومتبقاش زحمه انا لما يبقي عندي عزومه تلاجتي عباره عن علب هههههههههههه
انا بس هاوريكم قوام اي تتبيله بيكون كده
مواضيع هذا القسم برعاية
haneen_75 haneen_75 90893_1.gif فتكات ست الكل Fatakat 90893 جده – المملكه العربيه السعوديه