هاى ازيكوا يا فتوكات انا هنقلكم خبرتى الشخصيه
كلامى ده لكل واحده من اول الحمل لاخر الحمل بس بالله عليكم ادعولى ربنا يرزقنى ولادة طبيعية سهله وذكر صالح سليم معافى
بالنسبة لمستلزمات للحوامل
1 – بانتيهات الحمل = وهتلاقى منها ماركات كتير زى مثلا كانبول هتلاقيه ف سنتر هاله وسعره تقريبا 40 جنية
2- برا قطن = وغالبا هتلاقيها ف قطونيل
3- برا الرضاعه = وهتلاقى منه برضوا ف سنتر هاله وهو تقريبا سعره ب 80 جنيه
4- بنطلون حمل = هتلاقيه ف محل كيدز ميجا ستور ب 250 جنيه او فى محل ف صن سيتى ف الدور الرابع واسعاره حلوه
5- تيشيرتات الحمل = اللى مرسوم عليها بيبى لودنج وبيبى بامب وهتلاقيه برضوا ف المحل اللى ف صن سيتى بس مش متذكرة اسمه
6- فوط يومية للافرازات = ودى زى الالويز كده بس صغيره جدا بتحميكى من افرازات الحمل علشان النظافة الشخصيه وهتلاقيها ف اى صيدليه وهى سعرها تقريبا العلبه اللى فيها 20 ب 10 جنية
7- دوائر الصدر = ودى بتوضع على الصدر بعد الرضاعه لمنع تسرب اللبن ف الملابس وعلشان تجعل منطقة الصدر نظيفه وفى منها استعمال المره الواحده وهتلاقى العلبه ف اى صيدليه او سنتر زى هاله او كيدز بارك وتقريبا العلبه ب 30 جنيه وفى منها القماش اللى بتتغسل وتستعمل تانى ودى ف محل تشايلد بيبى كانت ب 8 جنيه
8- غسول ريفاريست = لو فى افرازات مصاحبة للحمل لازم نستعمل غسول بس بعد تزويده بالماء وده امن جدا على الحمل
9- كريم بانثينول الخالى من الكحول = وده لتشققات الحلمة بس يدهن بدون تدليك طول ال8 شهور الاولى وتقريبا ب 6 جنيه
10 – كريم سانوسان للبطن = وده لجفاف البطن ومنع ظهور الستريتش مارك وحلو جدا وتقريبا ب 42 جنيه وهتلاقى ف صيدليات العزبى
بالنسبة لمستلزمات البيبى من ملابس
هدوم داخلية قطن مقاس من 0 ل 3
1- عدد 6 فانلات كت بكباسيل من تحت
2- 3 فانلات من غير كباسيل
3- 6 بنطلونات داخلية
4- 6 اندرات
5- 3 فانلات بنص كم
6- 10 بافتات بسكوتش او كباسيل ويا ريت بلاش اللى برباط
7 – فوط قشط للبيبى
8- فوط للام تتحط على كتفها علشان لو البيبى قشط عليها ودى موجوده حلوه اوى ف كيدز ميجا ستور
9- شرابين قطن
10- طقيتين قطن
11- كوفرته خفيفه للبيت
12 – كوفرته خفيفه للخروج
13 – بورت للخروج علشان لو خرجتى بليل والجو سقعه
هدوم البيت وده اللى هتولد لحد شهر 10 واهم حاجه تكون نضيفه وخامتها قطن بس مش لازم تكون غالية اوى يعنى فى ماركة جونيور المصرى حلوة واسعارها معقولة
1- عدد 5 بيجامات منهم 2 بكم للايام الاولى مقاس الزيرو ومنهم 3 بنص كم مقاس من 0 ل 3
2- عدد 5 سالوبيتات بنص كم مقاس من 0 ل 3
3- لو حابة تزودى براحتك انا بتكلم عن المعقول لكن انا بالنسبالى بتغرينى الحاجات دى اوى فغرقت الدنيا
هدوم الخروج وطبعا برضوا لحد شهر 10
1- هاتى بيجامة نضيفه نيو بورن ويا ريت بكم علشان دى اول حاجه هيلبها بعد لما يشرف للدنيا وهو ف المستشفى وانا جبتها من كيدز ميجا ستور كانت 5 قطع ف علبه ب 130 جنيه
2- عدد 2 سالوبيت للخروج على الاقل وهتلاقيهم فى بيبى شوب وتقريبا اسعارهم مش اقل من 100 جنيه الواحد وكل واحد هتوفيلوا الطقم بتاعه من شراب وطاقيه وكوفرته وكل حاجه وليها سعرها وهتلاقيهم معروضين جمب بعض وطبعا ماركة بيبى جونيور الكورى مش المصرى
لبس السبوع
1- لو بنوته يبقى فستان جميل او سالوبيت لونه ابيض وطبعا قطن وخفيف
2- لو ولد يبقى بدله او سالوبيت برضوا لونه ابيض وفى اشكال جميله ف كل المحلات واسعارهم مختلفه
3- بورت السبوع وده لونه ابيض وتقريبا ب 100 جنيه وهتلاقيه مثلا ف كيدز ميجا ستور
4- طبعا انتى بتحضرى من دلوقتى حاجه شيك ليكى تلبسيها ف السبوع
مستلزمات للبيبى للرضاعه
1 – ببرونة كبيرة وفى منها ماركات زى شيكو وافينت ولوفى وجنيور واسعارها مختلفه انا جبت لوفى ب 70 جنيه
2- حافظة ببرونه علشان تحافظ على السخونيه وبرضوا فى منها ماركات وماركة لوفى ب 92 جنيه
3- فرشة تنضيف الببرونه وفى منها برضوا نفس الماركات وجبت منها ماركة فارلين ب 40 جنيه
4- 2 تيتينا مقاس 3 شهور و6 شهور علشان تركبيهم على الببرونه بس يكونوا نفس ماركة الببرونه يعنى لوفى الواحده ب 19 جنيه
5- مقص بلاش قصافه علشان تعرفى تتحكمى فيها وفى منه ماركة كانبول حلوه اوى وب 39 جنيه
6- شفاط مناخير منه ماركة فارلين ب 27 جنيه
7- طبق ومعلقه هاتيهم من دلوقتى بس مش هيحتاجهم غير على 4 شهور وانا جبتهم بيبى جونيور ب 37 جنيه
8- ببرونه صغيره جدا للمايه وهتلاقى منها بيبى جونيور ب 15 وشيكو ب 50
9 – حافظه قماش للبرونه وفى منها على مقاس الببرونه وهتلاقى اسعار مختلفه منها
10 – كل اللى فات ده هتلاقيه ف صيدلية كبيره او سنتر اطفال محترم انا جبت من كيدز بارك ومن سنتر هاله
مستلزمات البيبى للنظافه
1- منظف ماركة شيكو ومعقم للتيتينا والببرونه وعربية الطفل واى شئ خاص بالطفل وهتلاقيه ف كيدز بارك ب 78 جنيه
2- شامبو وشاور سانوسان للبيبى وهتلاقيهم ف ازازة واحده كبيره ب 50 جنيه وهتلاقيه ف صيدليات العزبى او كيدز بارك
3- لوشن لجسم البيبى سونسان باللافندر علشان يبقى مهدى بعد الحمام وهتلاقي ب 33 جنيه
4- كريم بالزنك للالتهاب الحفاظات سانوسان ب 50 جنيه
5- زيت جونسون رائحه وده لتغير رائحة الطفل وب 20 جنيه
6- مناديل مبلله سانوسان الكبيرة ب 32 جنيه
مستلزمات بيبى للشاور
1- بانيوووو وهتلاقيه ف كل الاماكن وبمختلف الاسعار على حسب الموديل وماركته
2- اسفنجة البانيو بتتحط جواه علشان الطفل ميتزحلقش منك ب 60 جنيه
3- لوفة للطفل وهتلاقيها اسعارها مختلفه وف محلات كتير
4 – بشكير النونو ويا ريت لو قطن نضيف
5- مفرش غيار قماش وهتلاقيه ف محل تو ماكس وكان ب 65 جنيه بس حلو جدا
مستلزمات اخرى للبيبى
1 – عربية البيبى وفى منها ماركة شيكو حلو اوووووووووووى بس اسعارها غالية يعنى ب 3 او 4 الالاف وفى ماركة هوك حلوة جدا يعنى انا جبت العربيه ب 1400 وفى ماركة جراكو بس بلاش الصينى منها علشان مغرق السوق ومش حلو ولو اول بيبى متسترخصيش ف العربية علشان تعيش معاكى
2- مخدة الرضاعه ودى هتلاقيها ف مازر كير وسنتر بوينت ب 700 جنيه وتنفع مخده حمل بس هتلاقى مخدة رضاعه لوحدها ب 100 جنيه ف محل تشايلد مول
3 – ناموسية البيبى وهتلاقى منها اشكال كتير واسعار مختلفه انا جبتها ب 150 من محل تشايلد مول
4 – سرير البيبى وهتلاقى منه ف مازر كير وف ماما نورا وف كيدز ميجا ستور وف محل تشايلد مول وف لولى بوب واسعاره متفاوته حاولى تختارى اللى يناسبك فالسعر ويكون الماتريل بتاعته حلوه ونضيفه وتستاهل المبلغ اللى هتدفعيه فيها
5- شنطة البيبى ودى فى منها ف كل المحلات واسعارها مختلفه اختارى اللى يناسبك
6- شيالة البيبى وافضل ماركة فيها شيكو
7- كرسى الاكل وده هتحتاجيه قدام على 6 شهور كده وبرضوا ماركاته زى اللى قولته قبل كده
8- مخدة البيبى ويا ريت تجيبى اللى مجوفه من جوه وهتلاقيها ب 50 جنيه بس مش هيحتاجها ف الاول
9 – كاريكوت بس انا مبفضلهوش ومجبتهوش
10 – كرسى السيارة لو عندك سيارة وهتلاقى ماركات كتير منه وفى منه الصينى انتى وراحتك انا جبته ب 1800 جنية من سيتى بيبى
عناوين المحلات التى تم ذكرها
1- كيز ميجا ستور = منتصف شارع عباس العقاد مدينة نصر
2- ماما نورا = شارع عباس العقاد مدينة نصر
3- لولى بوب = شارع عباس العقاد مدينة نصر
4- بيبى شوب = مول صن سيتى مساكن الشيراتون طريق المطار
5 – مازر كير = مول صن سيتى
6- سنتر بوينت = مول سيتى ستارز
7- محل كيدز بارك = شارع سمير عبد الرؤوف امتداد مكرم عبيد مدينة نصر
8- تشايلد مول = بجوار محل كيدز بارك
9- سنتر هالة = الاثرى بن نافع خلف سينما روكسى امام الميرلاند روكسى مصر الجديده
10 – تو ماكس = شارع روكسى مصر الجديده
11- بيبى سيتى = شارع اورجينا المتفرع من عباس العقاد
12- وطبعا فى محلات كتير اطفال مش دى بس وبرضوا ارجع اقول كل واحد ومقدرته مش لازم كل حاجه وممكن لو حابة تزودى براحتك
واخيرا دى كانت تجربتى مع شراء مستلزمات الامير بتاعى ومتنسوش التقييم والدعااااء انه يشرف للدنيا بسلام
موحة و حمودى موحة و حمودى 800482_1.gif فتكات متميزة Fatakat 800482 السويس – مصر