صباح الخير يا حوامل يارب تكونوا بخير
ويااااااااااااارب نولد بقى ونقوم بالسلامة ياااااااااااااارب آمين
كنت الأسبوع اللي فات في صيدلية العزبي اللي في مصطفى النحاس مدينة نصر ودخلة ومشمرة كمي عشان أشوف هجيب إيه للمفعوص اللي جي اللي مطلع عيني وواجع جيب أبوه هههههههههههههههههه
طبعا دخلت وأول حاجة سألت عليها البامبرز وعرفت المعلومات دي من دكتور الصيدلية:
1- البامبرز المصري وحش جداااا وخامته سيئة ومختلفة عن المستورد ولو عايزة بامبرز هاتي السعودي
2- أفضل بامبرز لحديثي الولادة بيبي جوي أو مولفكس بس هو شكرلي أكتر في بيبي جوي ولكن السعودي مش المصري وده اللي انا جبته وكان 64 حفاظة بـ 89 جنيه
وجبت فوط ما بعد الولادة (ودي يا بنات مهمة جداااا سواء طبيعي أو قيصري هية شبه الألويز لكن أكبر شويتين) ورشحلي نوع إسمه لوتس برضه مستورد سعودي وكان بـ 18 جنيه 20 فوطة
وبعد كدة دخلني على قسم الشامبوهات والمحتاجات وإخترتلي اللي في الصورة وكلهم ماركة بيبي جونسون وهما كالآتي:
1- شاور سائل إستحمام
2- شاور سائل إستحمام ما قبل النوم
3- شامبو
4- كريم لمنطقة الحفاظ (إسمه كدة) ده مرطب بعد ما تغيري البامبرز
5- بودرة جسم
6- زيت جسم جونسون
7- التيتينة المنفصلة جبتها من العزبي ماركة Nuk
8- المناديل الوايبز المبللة
9- عيدان الأذن
10- مقص الظوافر
وفيه بقى حاجات جبتها من السعودية طلبتها من أخت جوزي وجبتهالي معاها وهية جاية :
1- ترمومتر الحرارة ماركة Chicco
2- فرشة ومشط ماركة Chicco
3- الببرونة ماركة Avent_Gold (ودي قلبت عليها صيدليات مدينة نصر وملقتهاش عشان كدة جبتها من برا لأنها من أفضل الببرونات لأن الماتيريال بتاعها نقي جداااا) والتيتينة بتاعتها من عمر 6-3 شهور تنفعني لما يكبر شوية
4- عدد 2 التيتينة بتاعة الببرونة Avent من عمر 3-0 شهور
كدة فاضل ما يلي القمر الفتوكة أم ميدو قالتلي عليهم في الموضوع هكتبهم بسرعة قبل ما التعديل يتقفل :
1- صابونة جونسون للأطفال
2- بودرة مخصصة للسرة
3- القطن والسبرتو
4- البتادين مطهر
و hoooby ربنا يكرمها قالتلي على:
1- ليفة البيبي
يارب أكون جبت كدة كل حاجة من الصيدلية ولو فاضلي حاجة ياااااااااااارريت تقولولي عليها
في أمان الله ،،،
بونبوني بالكاراميلا بونبوني بالكاراميلا 326018_44.gif أسور وياسو ☼☾ شمسي وقمري Fatakat 326018 مدينة نصر ♥♥ القاهرة – مصر