السلام عليكم ورحمه الله وبركاته
انا اول زياره ليا لجنين يوم الاربع 2-5 الاسبوع اللى فات
دخلت لدكتور حسام بعد ما دفعت 400
وبعدين قالى عندى كيس دم هيتشفت ومنظار يوم الاتنين اللى هو امبارح وكتبلى على تحاليل وانا قولتله زودلى عليها الاجسام المضاده والهيموسيستن
عملى الاول والتانى لا المهم انا اصريت وروحت للمنسقه وخلاتها كتبت ليا قالتلى انى لازم اكون صايمه 12ساعه للتحليل
وقالتلى وانتى صايمه للمنظار ابقى اعملى بتاع التجلط ده وديه غلطه منهم
عملت المنظار ب930ج وشيلت الكيس ب380
والنتيجه لسه مطلعتش بتاعت التحليل المهم اخدت الحقن اللى تحت الجلد اشترتها ومضاد حيوي ب787ج
والتحليل ب250 تقريبا مش فاكره غير انه اكتر من 200
روحت وعلى 8 يعنى قبل الحقنه بساعه (التحضريه)
قالولى وقفى متاخديش حاجه وان العمليه اتأجلت لان تحليل التجلد طلع عالى وبعتولى رساله بالعلاج وهو بيوفيت12 كل تلات ايام وفوليك اسيد 4 مرات فى اليوم
طبعا الحمدلله ربنا عالم بالحال والفلوس جايه ازاى لو كنت عملتها وفشلت بسبب التحليل ده
دلوقتى طبعا خايفه للكيس يرجع تانى وشفته من غير منظار ب750ج
وديه غلطت المركز انه مش بيستنى ولا بيطلب كل التحاليل والسبب ان ديه اول مره اعمل فيها حقن وان الحاجات ديه بتتعمل بعد الفشل
يعنى يستنو المصيبه الاول المركز انا روحتله لما لاقيت البنات هنا بيشكرو فيه
وبالمناسبه انا عايزه اشكر سالى ربنا يقومها بالسلامه يارب لانها فى موضوعها هى اللى قالت على التحليلين دول ربنا يبارك لها فى اجنتها يارب
انا كنت عايزه اسأل انا النتيجه طلعت 10 حد كان كده وبينزل فى اد ايه ارجوكم انا حبيت افيدكم بتجربتى ياريت تفدونى ولو حتى بدعوة ان ربنا يكرمنى ويرزقنى يالخلفه السليمه المعافاه انا وكل مشتاق شكرا ليكم
فى امان الله
حياتى استغفارى حياتى استغفارى 376746_2.gif فتكات نشيطة Fatakat 376746 بيتى جنتى – قلب زوجى