ازيكم يا حلوييييييييين
النهادره غدانا محشي كرنب
وبط محشي حشوه مختلفه
يلا معايا
اولا المحشي:
مقاديره:
رز مصري
كرنب مسلوق
طماطم عصير — صلصله
بصل ثوم
خضره: شبت بقدونس كزبره
بهارات: ملح وفلفل وكسبره وكمون وقرفه ونعناع
شويه زيت او حته ليه سايحه
الطريقه:
انا عملته مسبك بس على خفيف
شوحت البصل والتوم المفروم شويه
حطيت نص عصير الطماطم وسبتها تتسبك
بس مش اوي
وحطيت شويه من البهارات مع التسبيكه ده
بعد كده قفلت عليهم وحطيت الرز المغسول وباقي عصير
الطماطم والخضره وشويه بهارات تاني وضبطت الملح
نبدأ الحشو نمسك الورقه ونحط شويه حشو ونلف
ونرص في الحله انا بحط في القعر
شويه كرنب مفرومين وببهرهم بملح وفلفل وشويه زيت
او شرايح بطاطس وجزر أو كل ما سبق
وكده بعد ما خلصنا لف
نسقيه بشوربه او ميه وماجي لحد ما الورق كله يتغطى
ويعلى عنه ب سم تقريبا
نسيبه يغلي غلوتين
وبعدين نوطي النار على الاخر ونحطهم على اصغر عين
ونحط حته سمنه بلدي ونغطي الحله ونسيبه ساعه تقريبا
وكده بعد ما ستوى
*************************
ندخل على البطه بحشوتها المميزه:
هنغسل البطه كويس ونتبلها من بره ومن جوه
ومن تحت الجلد وفي الشقوق ((شكشكيها بالسكينه
ودخلي التتبيله فيها ))
التتبيله :
عصير بصله صغيره + ملح وفلفل
الحشو:
بصله جوانح او مكعبات
فلفله رومي صغيره مكعبات
ثوم مفروم
شويه بقدونس مفرومين
شويه كرنب مفروم
جزره مكعبات
والجديد بقه ((شويه مكرونه صغيرين مسلوقين))((اي نوع))
انا حطيت اسباجيتي وقطعتها صغير
الطريقه:
هنجيب ورقه فويل وندهنها بشويت زيت
ونحط عليها البطه المتبله
بعد كده نقلب مقادير الحشوه كلها على البعض
((الخضار+ المكرونه)) ونتبلهخم بشويه ملح وفلفل
وزيت زيتون وقليل من الصويا صوص الحلوه او العسل الاسود
ونحشي البطه
بعد كده نقفل عليها كويس بالفويل
وتدخل الفرن من ساعه الى ساعه ونص
على 180 درجه على الشبكه وتخليها تحت
وبعد مرور نص الوقت اقلبيها على الوش التاني
يفضل الاول انك تحطيها على وشها
وبعدين اقلبيها على ظهرها
بعد ما تستوي تماما افتحي الفويل عليها
وادهنيها بشويه : خل + صويا صوص حلوه او عسل
وولعي عليها الشوايه
لحد ما تحمرررررررر
انا هنا فتحتهااااااا منظر رااااائع وريحه ارووووووع
وبعدين قطعيها وحطي عليها شويه من المكرونه
وقدمي جنبها المحشييييييييييييييي السخن
ااااااااااه شئ يجوووووووووووووع شوفوا كده
((انا اتبقى عندي شويه من الخلطه رحت حشيت كام بتنجانه ))
وسويتهم وقدمتهم معاهم
وده كمان :
اتمنى يكون غدانا عجبكم
واتمنى انكم تجربوه بجد طعم
يستحق التجرررررررررربه
جديد ومميز
اشوفكم على خييييييييييير
ولكم تحياتيييييييييييييييييي مواضيع هذا القسم برعاية
روبي صلاح الدين روبي صلاح الدين 100206_1.gif فتكات ست الكل Fatakat 100206 جده – السعوديه