اليوم يا فتوكات غامرت وعملت محشى وطلع الحمد لله محشى بجد رااااااااااااااااااااااااااائع وعملت فراخ استربس كرسبى
بس الاول
عملت كرنب وباذنجان ابيض وكوسة
والخلطة بعملها نئ فى نئ
اما بخصوص توابل المحشى ربنا يبارك يارب فى كل الفتوكات القمرات اللى قالو على تجاربهم فى البهارات للمحشى
منهم رودى وام نوسو ونعمة من ربى وام زيد و شكشوكة والواثقة بالله والبليغة وفوفو وفريدة فى كل شئ و المنتقبة الصامتة
وغيرهم
وانا بقى كلمت والدتى ادتلى المفيد من الاخر ربنا يباركلى فيها يارب ويخليهالى يارب
فى الكبة نحط 12 فلفلاية رومى مع 14 قرن فلفل حااااااار مع ملح وفلفل اسود و 14 معلقة كمون و18 معلقة نعناع ناشف ورشة قرفة لاااااااااااااااتذكر وفص ثوم واحد(اختيارى ) ونضربهم ونضيفهم مع الخلطة 
ندخل على الوصفة الاولى المحشى
طبعا قورت الكوسة وقلب الكوسة برصو فى قاعدة الحلة عشان ارص علية المحشى
فية تكة بسيطة بعملها للكوسة قبل التقوير عشان متتكسرش الكوساية وانا بقورها
انى بنقع الكوسة فى ماية بملح لمدة 12 ساعة قبل التقوير وبعدين ابتدى اقورها هتلاقيها سهلة فى التقوير ومبتتكسرش
والكرنب كنت مقطعاه وسلقاة
والباذنجان كنت قورتوا ونقعتوا فى ماية وملح عشان ميسودش وميمررش
مقادير الخلطة
ربطة بقدونس
ربطة كسبرة خضراء
ربطة شبت
3 بصلات كبار مقطعين صغير جداااااااااااا
6 طماطمايات كباااااااااااار (انا ببشرهم بالمبشرة بيبقى احلى جدا )
فى الكبة نحط 12 فلفلاية رومى مع 14 قرن فلفل حااااااار مع ملح وفلفل اسود و 14 معلقة كمون و18 معلقة نعناع ناشف ورشة قرفة لاااااااااااااااتذكر وفص ثوم واحد(اختيارى) ونضربهم ونضيفهم مع الخلطة
12 كوب زيت ذرة
…………
شوربة فراخ او لحمة وياسلام لو شوربة بطاية معصور عليها عصير ليمونة ومعلقة صلصة عشان نسقى بيها المحشى
……………………
طريقة الخلطة نئ فى نئ
نقطع الخضروات صغير ونمزجها مع باقى المقادير وتترك على جنب
نجيب بقى طبق او بولة ونحط فيها كوب ارز وعلية من 3 الى 4 كبشات من الخلطة انا بحب الخضرة تبقى اكتر من الارز طبعا كمية الخلطة على الارز ترجعلك ونقلب
ونبداء نحشى ونرص فى الحلة
بعد لما نخلص بحمد الله
نسقى المحشى بالشوربة مع فرق عقلة اصبع يعنى لحد الصف القبل الاخير
انا دايما برص الباذنجان الاول ثم الكوسة ثم ورق العنب ثم الكرنب
توضع على نار هادية مع المتابعة واول لما تستوى نقفل النار ونتركها لحين التقديم وبالف هنا يارب
ملحوظة لما بيتبقة خلطة محشى بشيلها فى الفريزر فى اكياس للاستخدام للمرة الجاية مجرد بس اطلعها تفك واحط عليها ارز واحشى على طول
تابعونى
مواضيع هذا القسم برعاية
ام مريومة ومعاذ ام مريومة ومعاذ 401394_27.gif فتكات ست الكل Fatakat 401394 مصرية اسمعلاوية مقيمة بالسعودية – السعودية