بسم الله الرحمن الرحيم
اللهم صل وسلم على سيدنا محمد
السلام عليكم ورحمة الله وبركاته
ازيكم حبيباتى
النهاردة جيبالكم
محشى الكرنب اللذيذ مع اصابع الفراخ المشوية
وهنا طريقة ليه لعمل المحشى بس الكرنب مااخدش حقه فى الشرح
حبايبى الفتوكات شكشوكة بالفلفل عزماكو على محشى اتفضلوااااااا
https://fatakat.univanet.com/#3981066
المرة دى عملتو بطريقة اسهل واحلى
طبعا الحشو طريقته موجودة فى الموضوع اللى فوق
بس اللى اختلف انى هنا لفيت الكرنب من غير ماقفل الجناب وناس كتير حيفتكروا ان الحشو حيخرج بره احب اقولكم ان الحشو ماخرجش بره والصباع بقى ماسك نفسه وجميل بس الاهم عند حشو الصباع نحشيه فى النص ونلفه رول وترك فراغ من الجانبين ندى فرصة للرز علشان حيزيد مع السوى
ونضع فى الحلة اللى حنسوى فيها فى القاع بتاعها حلقات بصل وحلقات فلفل لعمل عازل للمحشى علشان مايشطش مننا وكمان لاعطاء طعم وريحة جميلة للمحشى
ثم نبدا فى رص اصابع الكرنب كل طبقة عكس التانية يعنى طبقة بالطول وعليها طبقة تانية بالعرض وهكذا حتى تنتهى الكمية وده بيحافظ على تماسك المحشى
ثم نضع الصلصة ورشة من البهارات وورقة لورى والسمنة ونسقيها بالشربة بحيث انها يدوب تغطى الوش بتاع المحشى
ثم نغطيه باحكام واول مايبدا يغلى نهدى النار حتى يستوى
نروح لاصابع الفراخ المشوية
المقادير
صدور بانيه
عصير البصل او مية البصل
ملح وفلفل
بهارات
خل او عصير ليمون
طماطم مبشورة
ملعقة صغيرة صويا صوص
زيت
خلة خشب
الطريقة
نقطع البانيه الى اصابع طويلة ونتبله بالبصل والملح والفلفل والبهارات والخل او عصير الليمون ثم ندخل الاصابع فى الخلة الخشب كل اتنين فى خلة
ثم نرصهم فى صينية ونضع عليهم خليط الطماطم المبشورة والصويا صوص ورشة زيت
وندخلهم الفرن والع تحت وفوق ونضعهم فى الرف الوسط حتى يستوا
ويقدموا بالهنا والشفا
اتمنى وصفتى تعجبكم
التقييم اماااااااااااااااااانة مواضيع هذا القسم برعاية
شكشوكة بالفلفل شكشوكة بالفلفل 360618_8.gif ملكة فتكات Fatakat 360618 الاقصر – مصر