اللهم صلِ على سيدنا محمد وعلى اله وصحبه وســــــلم
انا النهاردة بقى عاملة محشى بدنجان وفلفل وكوسة و صينية فراخ فى الفرن بس بطريقتى اللى مابستغناش عنها ابداً
وحبيت اوريكم طريقتى
ودى بقى الخلطة بتاعتى
كيلو أرز
2بصلتين كبار
كيلو طماطم
ب1ج خضرة(شبت وكسبرة وبقدونس)
ومعلقة سمنة كبيرة
نشوح البصل فى معلقة السمنة
وننزل بالطماطم المعصورة
لحد ماتتسبك خالص ونحط الرز و الخضرة وملح وشوية كمون وشوية فلفل صغيرين وشطة والتكة بقى ربع معلقة نعناع ناشف
بس خلاص وكدة خلص المحشى
ويادوب كان عندى شربة فراخ سقيت المحشى بيها ومابحطش مرقة ولا اى حاجة لانى مش بحب طعمها الصراحة
نيجى بقى للفراخ انا مش بحبها محمرة الصراحة وبحبها بالطريقة دى اوى
بسلق الفرخة
وبعدين اجيب طماطمتين
وفلفل اخضر
وبصلة
و4فصوص توم
وشوية ملح على فلفل اسود
ومعلقة صلصة انا ماكنش عندى صلصة فاخد معلقة من تسبيكة المحشى
وبعدين نضربهم فى الكبة
وندعك الفراخ بالخلطة دى ونحط على الوش معلقة سمنة
وهتبقى بالمنظر دة
ودى بعد مادعكتها بالسمنة
وبعدين احطها فى الفرن نص ساعة وتبقى تمام
ودى بعد ماخرجت من الفرن
ودة طبق لاول فتوكة ترد
حبايبى اللى شايفين الموضوع يستاهل تقيم
بحبكم فى الله مواضيع هذا القسم برعاية
اوفا حبيب مامى اوفا حبيب مامى 342429_11.gif ممنوعة من المشاركة Fatakat 342429 فى أرض الله – فى بلاد الله