ازيكم يا احلى فتوكات وحشتونى
انا جيبالكم النهارده محشى كوسه وفلفل وباذنجان
ممكن تكونوا اغلبكم تعرفوه بس انا قلت المبتدئين
يستفادوا معانا وجايبه كمان وصفه لمحشى البصل ده بقى
ممكن يكون فيه ناس كتير متعرفوش بالطريقه اللى هقولكم عليها
نبتدى باسم الله المقادير
كيلوا كوسه 2
كيلوا بصل صغير
كيلوا طماطم علشان الصلصه
خضره للمحشى شبت وبقدونس حوالى 4 من كل نوع
انا بحب الخضره تكون كتيره بتخلى طعم المحشى احلى
بصلتين كبار او تلاته صغيرين علشان تقليه المحشى
معلقتين سمن ومعلقتين زيت وملح وكمون وفلفل اسمر
1/2 كيلوا فلفل اخضر للمحشى
كيلوا باذنجان ابيض
الطريقه
اول حاجه نقشر البصل ونقطعه صغير علشان تقليه المحشى
وبعد كده نضرب الطماطم فى الخلاط علشان الصلصه
نجرد الكوسه ونقورها ونقطع الجزء اللى فيه البزر من الفلفل
علشان يكون جاهز للحشو وادى الصور علشان توضح
وقبل الصور نسيت اقولكم نقور الباذنجان
ونحطه فى ميه علشان ميسودش لغايه ما نحشيه او ممكن نخليه لما نعمل الخلطه الاول زى ما يعجبكم
ونقشر كيلوا البصل الصغير ونغسله
وهنا غسلنا الخضره كويس جدا وقطعناها
نحط البصل اللى قطعناه صغير فى حله ومعاه السمن
ونرفعه على النار ولما يصفر نحط الطماطم وبعد لما الصلصه تاخد غلوتين
نحط الخضره ونقلب وبعدين نحط الرز ونطفى النار زى الصور كده
كده الخلطه بقت جاهزه خلاص نجهز البصل اللى هنحشيه
نغلى ميه على النار زى ما بنسلق الكرنب كده ولما تغلى نحط البصل فيها لغايه ما يتسلق كده
وده لما استوى نبتدى نورقه نفصل كل ورقه من
ورقات البصل لوحدها زى الصوره كده
وكده يكون جاهز للحشو
ناخد ورقه ورقه ونحشيها ونلفها ونخليها شكل البصله تانى
وهيبقى شكلها كده قبل ما تستوى ونراعى اننا نحط شرايح بصل
فى ارضيه الحله علشان نحافظ على المحشى
ونحشى الكوسه والبتنجان والفلفل وهيبقوا بالشكل ده
انا كنت سالقه بطه كمان مع الاكل ومجهزه الشوربه
نحط كبشتين اتنين شوربه على البصل وحوالى 4 كبشات على البتنجان والفلفل والكوسه
ونرفعهم على النار اول ما الشوربه تغلى ننهدى النار على طول
وده الشكل النهائى بعد ما استوى الاكل بالهنا والشفا
كده انا خلصت اوعوا تنسوا التقيييييييييييييم
التقييييييييييييييييييييييييييم يا فتوكاااااااااااااااااااااااااااااااااات مواضيع هذا القسم برعاية
سيسو زيزو سيسو زيزو 822446_8.gif فتكات غالية قوي Fatakat 822446 المنصوره – مصر