انا يا بنات روحت من شهر الغورية بعد ما قريت هنا انها كويسه ف اسعار الملايات و الفوط و البطاطين و جيت طقم ستان ب 280 و منزلهولى من 300 من محل كبير هناك كده و كمان جبت ملايات مطبوعه
المهم يعنى نزلت بعدها بشهر سوق غزه اشترينا انا و اختى بيجامات و كده و قولت افوت قبل ما امشى على الجزء بتاع الملايات و البطاطين مش هخسر حاجه وانا متوقعه انو اغلى من الغورية
و أتفاجأ يا جماعه انى اتضحك عليا ف الغورية الطقم الستان اللى جبته هناك اول كلمه 250 يعنى ممكن انزل فيه
وكمان البطاطين بتاعه المجد لقيت وحده هنا ياعينى حطه وحده ب 300 و فرحانه بيها و مبروك عليها طبعا و بقتولى جيباها من الغورية وانا شفتها هناك ب 250 والله يابنات و برضو اول كلمه
مفارش السرير هناك اشكالها جميله وكمان مرصوصه بطريقه افضل من الغوريه
الحاجه الوحيده اللى لقيتها زى الغوريه الملايات المطبوعه المجد الاتينن قالو 110 و انا اختها من الغورية ب 95
والفوط هنا بصراحه انا لسه مشترتش بس هناك انواع شيك و جميله و عجبنى نوع تركى الفوطه كانت ب 25 بس فلوسى كانت خلاص خلصت
واختى قررت تبقى تجيب حاجتها من هناك ان شاء الله و ربنا يعوض عليا بقىىىىىىىىىى
ده غير كده الهدوء و الوسع بتع المكان اللى يخليكى تعرفى تنقى و تختارى و تفاصلى بهدوء و يدوب تخرجى تخدى تاكسى ب 5 جنيه لمحطه غمرة و بعدين تروحى بالمترو معززه مكرمه لان المنطقة وسعه و مليانه تكاسى
والناس هناك هاديه و راقيين شويه عن بتوع الغورية ولاحظو ان كل ده بسأل بس ومشترتش محدش اتضايق ولا رخم علينا
ودى موضوع لوجه الله و ربنا يكرمنا و يكرمكم و تجيبو احسن حاجه بأرخص الاسعار عوه جميله تمنع بلاوى كتيييييره
يا كريم يا ودود يا كريم يا ودود فتكات هايلة Fatakat 234508 القاهره – القاهره