السلام عليكم اولا احب اشكر قسمكم جدا و كل المشرفات و المفسرات لان دايما اى حلم باحلمه بتفسروه لى الحمد لله بجد شكرا على تعبكم معانا و ربنا يجازيكم خير
انا حلمت امبارح حلم غريب مش فاكره اوله اوى كنت ماشية مع ماما و كان معانا فلوس كتير كده فكة يعنى ربع جنهات ورقق من ابقديمة و عشينات بس كان عددهم كبير اوى و بيقعوا مننا و عدى من جنبا ولاد صغيرين من اللى بيسرقوا و سرقوا من ماما شوية و انا قعدت الم الفلوس عشان ما تضيعش و احطها فى جيبى و هى متكرمشة
و بعدين كانى كنت بلم دبابيس طرحة و باشبكها فى بلوزتى عشان ما تضيعش و كانى كنت متجوزة واحد اكبر منى فى السن اوى و كانه فى اخر الشباب و شعره ابيض و عنده بنت صغيرة بس انا كنت بحبه اوى فى الحلم
المهم كنا قاعدين فى بيت لينا على البحر و زى ما نكون كنا عازمين فيه بابا و ماما و بنت عمتى و ناس من قرايبى كتير مش فاكراهم كلهم المهم و بعدين فجأة جوزى ده نزل البحر و مشى فيه جوه اوى و هو واقف على رجله و انا خفت عليه و نزلت وراه مشى برضه و كنت بشعرى و لابسه فستان ابيض عارى الاكتاف و كده رغم انى محجبة فى الحقيقة المهم كنت زى ما اكون بانادى عليه و هو بيدخل لجوه اوى و بعدين عدى من جنبى واحد عايم فى البحر و قطعلى الفستان خلاه وقع منى فى الميه و بقيت زى ما اكون عريانة فى الميه و كده لقيت جوزى رجع جرى و قلع هدومه و لبسها لى و خرجنى من الميه فقامت بنته كانت واقفة على الشط قبتقول بعدم رضا يعنى :- بيلبسك هدومه ليه كل ده عشان واحد عدى من جنبك للدرجة دى خايف عليكى قلتلها اللى عدى من جنبى قطعلى فستانى و مكنش ينفع اخرج من الميه كده و لقيت جوزى لبس بدلة بدل هدومه اللى اداها لى و قعد بيزعق و بيقول انا هاوريه و هاكلم اهل المنطقة و نطرده منها لانه شاب مش متربى
جه بابا و هو مستغرب و قاله انت مكنتش لابس الهدوم دى و انت نازل الميه و هى كمان و قعد يزعقله و يقوله انت السبب فى اللى حصلها فالشخص اللى متجوزاه ده زعل من بابا و اتأثر و طلع يجرى ركب عربيته عشان يمشى فانا طلعت اجرى وراه عشان اصالحه و قعدت اعيط و اقوله افتحلى باب العربية عشان اركب معاك عشان خاطرى فقام فتحلى الباب اللى ورا و ركبت معاه و خدنى و مشى
و بعدين بنت عمتى قالت لهم ناخد الاكل اللى عملناه للعزومة و نروح احنا كمان و خدوا بنته معاهم عشان ما يسيبهاش لوحدها
المهم انا رحت معاه بيت تانى و هو كان زعلان اوى و خد راسى حطها على كتفه و انا كنت باواسيه
و مش فاكرة حاجة تانية
اسمى خلود و عندى 23 سنة و انسة و مش مخطوبة
لا اعمل متخرجة من الكلية
باعانى من هموم احيانا قبل النوم
الحلم عادى مش استخارة
بابا اسمه خالد و ماما حنان و بنت عمتى ليلى و كلنا مسلمين الحمد لله
لا انتظر شيئا هذه الايام
أميرة فى أرض الاحلام أميرة فى أرض الاحلام 1055896_2.gif فتكات متميزة Fatakat 1055896 الاسكندرية – مصر