سلام عليكم ازيكم يافتوكاتي عاملين ايه وحشتوني اوي مع اني لازقه هنا انا قررت بعد نجاح مواضيعي وثبيتها وتميزها الحمد لله مش غرور محدش يفهمني غلط ههههههههه اني اكتب موضوع مهم النهارده بعد تردد لاني لسه انسه وخايفه تفهموني غلط بس انا من متابعتي للبرامج الطبيه بقى عندي خلفيه انا مفيش برنامج في دكتور نسا معروف الا اما اترج عليه وده لاني عندي تكيس طبعا المهم نخش فالموضوع موضوعنا النهارده عن خمنوا كده ها عن تاخر الحمل طبعا زي العنوان مابيقول نخش فالموضوع
تاخر الحمل
تاخر الحمل هو انك تقعدي سنه متجوزه والزوج موجود وميحصلش حمل باكداهو سنه مش واحده بقالها شهرين متجوزة وتجري تكشف يااااااااه بقالها كثير فعلا طبعا في حاله عدم انتظام البريود من قبل الجواز اصلا يعني لو هى عارفه ان عنده حاجه ممكن تكشف بس مش بعد شهرين يعني على الاقل 5 6 شهور وكمان لازم يكون الزوج موجود مش يكونوا مثلا متجوزين بقالهم سنه بس شهرين وسافر او كده يعني
نخش فالاسباب بعد الفاصل
الاسباب
1-التوتر ثم التوتر طاب ازاي ممكن يكون مفيش سبب بس كل شويه حماتك تزن تقولك مفيش نونو وسلايفك بقى زي مابنسمع وكله يزن ايه مافيش حاجه جايه فالسكه ده طبعا بيبوترك وبيحسسك انك بقالك سنين وانتي اصلا بقالك شهرين 3 وشويه حماتك طاب مكشفتوش والكلام ده كله بيوترطبعا والتوتر بيلغبط الهرمونات ويعلي هرمون اللبن وانتظري العلاج بتاعه المشاركه الجايه
2- ضعف التبويض ممكن يكون التبويض عندك ضعيف وده بيان طبعا بالفحوصات اللي هنقولها كمان شويه
3- تكيس المبايض وده سبب من اسباب ضعف التبويض بره
4-ارتفاع هرمون اللبن لانه بياثر على التبويض وده بيرتفع بسبب التوتر زي مقولت
5- ارتفاع هرمون الغده الدرقيه او نقصه لانها ليها دور فالحمل والنتظام الهرمونات
6 -انسداد الانابيب او انسداد قناتي فالوب
7-الالتهابات
8-السمنه لانها بتراكم الدهون فالمبيض وبالتاي تعمل تكيس وتاخر الحمل وخصوصا السمنه فمنطقه البطن والوسط
9- اسباب عند الزوج وده بيان بالفحوصات طبعا
العلاج
اولا -عمل تحاليل للهرمونات وهى كالتاتي ههههههه
fsh -lh-prolactien -tsh-t3-t4-freetestesteroon-e2 تاني او تالت يوم البريود وتكون البريود جايه طبيعي لوحدها من غير حاجه تنزلها ولو بتتاخر 3 شهور او اربعه اعمليهم من غير بريود وقولي للدكتور عشان يعرف النسب
تانيا تحاليل progesteroon اليوم الواحد عشرين من البريود
والتحاليل دي كلها مهمه جدا حطي تحتها 100 خط دي اللي هتبين الاسباب لو دكتور قفالك مش مهم مترحيلوش تاني لانه مبيفهمش كده
عمل فحص داخلي بالموجات الصوتيه يعني سونار داخلي اكيد فهمني عشان نشوف التبويض ملحوظه التبويض مبيشفش ولا يتابع بسونار البطن وده كلام الدكاترة اللي بيفهوا لازم بسونار داخلي اللي يشوفه بسونار على البطن يبقى بيوهمك لاانه بيبين الغشاء اللي حوالين البويضه فقط
3- لو الهرمونات سليمه ومفيهاش اي حاجه والسونار فله هههههه يبقى نتوكل على الله ونعمل اشعه صبغه عشان نطمن على الارحم والانابيب قناتي فالوب ومنخافش ونخلي قلبنا جامد وكمان سمعت من دكتور ان البنج فالاشعه ممكن ساعات بيبن ان في انسداد وميكونش في فالافضل تعمليها وانتي صاحيه ووتتوكلي على الله كمان بالنسبه للناس اللي خلفوا قبل كده ومتاخرين فالحل التاني نفس الفحوصات تتعمل وهنا بيبقى اهمهم اشعه الصبغه لانه ا والده قبل كده وكمان لو قيصري ممكن يكون حدث التصاقات فالانابيب بسبب الولاده الاولي ولو والده طبيعي برضه تعممليها
4- لو كل شئ تمام ومفيش اي حاجه وبقالك اكثر من سنه لاني زي مقولتلك متكشفيش بدري المفروض لو انتي سليمه والبريو د ممنتظمه تصبري لان البربود مراه الهرمونات لو قلقانه خلي الزوج يحلل عشان تطمني لو هو تمام وانتي كل حاجه عندك تمام يبقى اعملي منظار باطني وتكونوا كده خلصتم الفحوصات
لكن لوانتي اصلا من قبل الجواز الدنيا عندك ملغبطه يبقى اطمني على نفسك وحللي هرمونات بس بعد 5 6 شهور على الاقل لان ممكن البريود تتظبط بعد الجواز وممكن برضه يحصل حمل مفيش حاجه بعيده عن ربنا فمتستعجليش ورساله لاي بنت تدخل الموضوع لو مش متجوزة وعندك الهرمونات ملغبطه ابوس ايدك بالله عليكي اتعالجي احسن تندمي بعدين مش بخوف حد والله بس الاحسن انك تتطمني على نفسك وتعالجي اي مشاكل عندك وانتي لوحدك لانك بعد الزواج هسيكون تفكيرك فالحمل وزي مقولت هتتوتري من اللي حواليكي لكن قبل الجواز مفيش حد يوترك اه هتبقى موتره نفسك بس احسن محد يوترك
وبكده خلصت الفحوصات نخش على العلاج بقى بس اخد بق orange juse لحسن ريقي نشف من كثر الكتابهحد يشرب معايا
العلاج اولا لو في سمنه لازم لازم لازم تخسييييي قبل متخدي علاج لان لو خدتي علاج سواء منطات او حاجه تانيه وفي سمنه بتكون فرصتك قليله لان الدهون بتتراكم المبايض بسبب السمنه وبتعمل تكيس وخصوصا زي مقولت سمنه البطن والوسط
طبعا عملتي كل فحوصاتك وزوجك عمل كل فحوصاته وطلع مفيش مشاكل خالص طاب الحمد لله لان
اهم اهم حاجه تكوني عمله كل الفحوصات انتي وزوجك ومطمنين ان مفيش حاجه عشان متخديش تنشيط وفي حاجه تخديه
واتني مرتاحه يعني لان لو في حاجه لازم الاول نعالجها
ناخد بقى منشطات او تنشيط التبويض بس طبعا نبتدي بجرعات قليله يكون محددهالك
الدكتور ويقولها هتخديها مثلا من تاني يوم او خامس يوم البريود وزي مقوللك نبتدي واحده واحده عشان منشطش المبايض مره واحده ويحصل
فرط تنشيط لاقدر الله
ونتابع التبويض عند دكتور كويس وعنده ضمير مع انهم بقم قله بس لازم يكون دكتور معروف ومضمون وشاطر فتاخر الحمل لان
ممكن يكوون دكتور شاطر فمتابعه الحمل لكن مش شاطر فتاخر الحمل
بتفرق ياحلوين دي اراء اراء هههههههه بنتابع تبويض
ونشوف حجم البويضات
ونشوف البويضه بتكبر ولالا متكبرش بنزود الجرعه شويه لحد نتبقى كويسه
ونفضل نتابع لحد متطلع لو ماطلعتش نخد الحقنه التفجريه عشان البويضه
تتطلع والدكتور طبعا بيفهمك بتتاخد امتى وكده وكل حاجه يعني هرتكم انا تحاليل وحقن سنه الحياه بقى من وانتي انسه تحللي هرمونات
وتتعالجي وقرف ربنا يتوب علينا وانا منكم يارب مع اني انسه بس متكيسه وباخاف من التحاليل والحقن والدكاترة احبوش خالص مالص
2- لو طلع عندي اي حاجه لازم تعالجيها الاول قبل التنشيط مش تخدي تنشيط وفي حاجه لان كده يبقى هدمتي كل الللي عملتيه احنا عملين الفحوصات عشان نشوف في اي ايه ونعالجه ولما نعالجه ننشط التبويض براحتنا بس لازم نكون تمام الاول زي لو عندك تكيس عالجيه بالميتوفرمين اللي هو سيدوفاج او احد مشتقاته اخرهم فاج اموفاج جلوكوفاج دي العيله هههههه ودي بتفضلي ماشيه عليها لحد ميحصل حمل انا عارفه اشمعنا ماسكه التكيس التكيس اكيد بتقولوا كده عشان ده بقى اكثر حاجه منتشره
لو عندك هرمون اللبن عالي تعالجيه وانضف دوا الدوستنكس بس غالي بس ده طبعا عشان نضيف ومستورد واعراضه الجانبيه اقل من الاوديه التنايهبعد متتاكدي انه نزل بالتحاليل طبعا تخدي دوا يثبتته يعني تحافظ علي النسبه اللي وصلتهلها زي بارلوديل نص قرص يوميا لحد ميحدث حمل ان شاء الله
لوعند اضطرابات فالغده الدرقيه يتخدي الادويه بتاعتها
لو عندك تكيس شديد ممكن تخدي حبوب منه الحمل 3 شهور متستغربيش عارفه انك عاوزة تحملي بس مش هتيجي من 3 شهور هتنزلك فيهم الهرمونات مع السيدوفاج او مشتقاته وتوقف عمل المبيض شويه وتريحه
طبعا اللي بتاخد تنشيبط لازم تريحي المبيض شهر على الاقل يعني تنشطي شهرين وتريحي شهر فالنص عشان ميحصلش فرط تنشيط
2 – التوتر اياكي يافتوكه ثم اياكي 5 اياكي ان تتوتري لان التوتر بيلغبط الهرمونات ممكن يكون مفيش اي سبب بس في توتر والتوتر بيلغبط الهرمونات ولو هرمون سليم ممكن يعلى من التوتر متديش لحد فرصه يوترك واللي تقول مفيش حمل ليه مفيش حاجه جايه فالسكه او ساكته ليه متكشفي سواء هى مين خليكي بااااارده وقوليلها بكل برود اصل احنا مش مستعجلين احنا لسه صغيرين فالسن عاوزين نعيش حياتنا فماجلين الموضوع شويه
ومتحكيش عن حياتك الشخصيه لحد ومتديش فرصه لحد ياخد ويدي معاكي غير مامتك او اختك عشان اكيد دول مش هيتروكي وانتي ذات نفسك حتى لو محدش بيكلمك متتوتريش وافتكري دايما قول الله سبحانه وتعالى "ان مع العسر يسرا "وكمان "عسى ان تكرهوا شيئا وهو خيرا لكم وعسى ان تحبوا شيئا وهو شرا لكم "
وكمان اصبر واحتسبي الاجر بتاع صبرك ده عند ربنا ده اختبار ربنا بيختبرك عشان عاوز يشوفك هتقربي منه ولالا وهتصبري وتقولي الحمد لله ولالا قوي ايمانك بالله وقربي من ربنا وافتكري دايما ان ربنا احن من الام على ولادها وافتكري كمان قول الله تعالى "ان الله مع الصابرين "
ودايما خلي عندك يقين بالله والحديث القدسي بيقول "انا عند ظن عبدي بي فليظن بي ماشاء" يعني لو ظنيتي خير هيحصلك ولو ظنيتي شر وياستي واحبطي مش هيحصل جديد دايما صلي وادعي ودوامي على الاستغفار وقراءه القران
وفالنهايه اتمنى لكل واحده ربنا يرزقها الذريه الصالحه عاجلا ليس اجلا ويرزقها الحمل السليم المعافى عاجلا ليس اجلا بلا زياده او نقصان وتجيب طفل او توئم اللي نفسها فيه وطبعا مكل اللي يجيبه ربنا كويس ويكون سليم معافى كامل الخلق والخليقه بلا زياده او نقصان بار بيها وبوالده يارب ربنا يفرح قلوبكم وربنا يشفي كل مريض يارب
واتمنى ان موضوعي يعجبكم واللي يعجبها تقيم الموضوع عشان يوصل لاكبر عدد ممكن من المشاهدات عشان الكل يستفاد ان شاء الله وتدعيلي دعوتين حلوين بالنجاح والشفاء والزوج الصالحه والذريه الصالحه لحسن قفايا واجعني وايدي وجعتني بقالي 3 ساعات بكتب عشان انتم حبايبي بس واي سؤال انا تحت امركم
took took took took 343480_12.gif فتكات ست الكل Fatakat 343480 طنطا – مصر